JW LIBRARY
Kopi Mai e te Taangaanga i te au Puka—Android
E manganui te au puka, poroutia, aenga pepa e te vitio ka rauka ia koe te tatau e te akarakara i runga i te JW Library noatu kare koe i runga i te initaneti.
Aru i teia au akakiteanga no te kopi mai e te taangaanga i te au puka:
Kopi Mai Tetai Puka
Kopi mai i te au puka taau ka inangaro ei tatau e ei apii, no te tuatau kare koe i runga i te initaneti.
Akatuera i te navigation drawer e oti pata i te Publications kia akaari mai te papaanga o te au puka.
Pata i te pitopito o te Languages no tetai papaanga o te au reo e vai ra. Iki i te reo taau ka inangaro i te akara. Te au reo e taangaanga maata ana koe, ko te reira to runga roa i te papaanga. Ka rauka katoa ia koe te akara ki roto i te papaanga na te pata anga ki runga i te ingoa o tetai reo.
E maata te au mataara i te kimi i te au puka i roto i te JW Library.
Ka akaari mai te tuanga By Type i te au puka i roto i te reo taau e akara ra, te au Puka, au Aenga Pepa e te au Vitio. Me pata ki runga i tetai au puka, ka kite koe i tetai au mea ke mai mei Te Punanga Tiaki e te mataiti i neneiia ai, me kore te au tu Vitio tuke ke. Pata i te All Types kia oki akaou ki runga roa i te papaanga.
Te tuanga What’s New ka akaari mai i te au puka ou koi tuku uaia maira, i roto i te reo taau e akara ra.
Te au puka kare koe i kopi ake, kua akairoia ki te tutu tiaorangi. Pata ki runga i tetai puka i te kopi mai i te reira. Me oti i te kopi mai, ka ngaro te tutu o te tiaorangi. Pata akaou ki runga i te puka kia tatau i te reira.
Te tuanga o te Downloaded ka akaari mai i te au puka pouroa taau i kopi mai i roto i tetai ua atu reo. Ka rauka ia koe te akapupu takake i te reira i roto i te Frequently Used, Rarely Used, me kore Largest Size.
Takore i Tetai Puka
Ka rauka ia koe te takore i tetai puka me kare koe inangaro akaou i te reira e me ka inangaro koe kia vā mai te ngai no tetai au mea ke.
Akatuera i te navigation drawer e oti pata ki runga i te Publications, aru mai pata ki runga i te tu o te puka (ei akaraanga, Books) i te akaari mai i te papaanga o te au puka. Runga i te puka taau e inangaro ra i te takore, pata i te pitopito More, e oti pata i te Delete.
Me ka inangaro koe kia vā mai tetai ngai, ka rauka ia koe te takore i te au puka kare koe taangaanga putuputu ana e me e maatamaata roa. Akatuera i te navigation drawer e oti pata ki runga i te Publications. Aere ki te tuanga Downloaded, e oti akapupu takake aere i te au puka i roto i te Rarely Used me kore Largest Size. Takore i te au puka kare koe inangaro akaou.
Kopi Mai i te au Mea ou no Tetai Puka
Mei tera taime ki tera taime, penei e mea ou tetai no tetai Puka ka inangaro koe i te kopi mai.
Tetai puka kua akaouia tetai au mea i roto, kua akairoia ki te tutu refresh. Me pata koe ki runga i te puka, ka kite koe i tetai karere e akakite maira e e au mea ou tetai. Pata ki runga i te Download kia kopi mai i te reira, me kore pata i te Later kia tatau atu rai i taau e tatau ra.
Kia kite koe me e au mea ou tetai no te au puka taau i kopi mai, akatuera i te navigation drawer, e oti pata i te Publications. Me e au mea ou tetai e vai ra, ka ata mai tetai pitopito Pending Updates. Pata i te reira kia kite koe i te papaanga o te au mea ou. Pata ki runga i te puka i te akaou i te reira, me kore pata i te pitopito Update All i te kopi i te au mea ou pouroa e vai ra.
Kua tukuia mai teia au mea ou o te JW Library 1.4, i roto ia Peperuare 2015 tei tau meitaki ki te Android 2.3 me kore i te Android o muri mai. Me kare e kitea e koe teia au mea ou nei, aru i te akakiteanga i roto i te atikara “Akamata i te Taangaanga i te JW Library—Android,” i raro i te, Kopi Mai i te au Mea Ou.
