Depui 2018, nout bann revu publik i koz su in seul sujé dann chak numéro. Tout se bann revu, lé dan nout bann zouti pou ansénié. Lé bien ke nou ansèrv azot dann prédikasion. Nou pouré osi amèn detroi ansanm nou, kan nou voiyaj oubien kan nou fé komision. Bann revu la, lé pa fé pou dirij bann létud biblik, mé zot i pe kap latansion pou bann késtion spirituèl.

Dèk ou la komans in diskusion, lir avèk le moun in vèrsé la Bib é koz su in sujé d’in revu ki pe intérès ali. Par égzanp, si le moun néna zanfan, si li lé an deuy oubien si li viv in nafèr ki angois ali, ou pouré di : « Na poin tro lontan, ma la lir in tré bon lartik su sujé la. Èske mi pe mont aou sa ? » Mèm si sé in premié diskusion, si ou voi ke li lé intérésé, soi ou pe donn ali le revu soi ou anvoiy pou li le vèrsion éléktronik. Lé sur, ke lé pa nout lobjéktif premié lès bann revu, mé zot i pe èd anou trouv sak na le mantalité ki fo pou mèt an pratik sak zot i apran (Akt 13:48).