Tou lé zan, bann sèrviteur Jéova lé présé sélèb le Mémoryal ansanm inn é lot. Dan bann semèn avan é apré le Mémoryal, nou anprofit tout zokazion ke nou néna pou loué Jéova é di ali mèrsi pou la ranson, ke lé in vré kado (Éféz 1:3, 7). Par égzanp, nou mèt tout nout keur pou invit domoun lévènman la. Anparmi nou, detroi i gingn aranj zot program pou fé pionié oksilièr 30 ou 50 eur, an mars oubien an avril. Èske ou èmré fé plus dann prédikasion dann pèryod Mémoryal ? Kosa va èd aou fé sa ?

Dabitud, kan nou mèt in program an plas, nou gingn fé in kantité d’zafèr an plus (Prov 21:5). Kom pèryod Mémoryal i ariv vitman, i fo pa nou tard pou prépar anou. Donk, kalkul bien koman ou pouré fé plus dann prédikasion pou pèryod la, é réfléchi su sak ou doi mèt an plas pou ariv fé sa. Aprésa, demann Jéova béni out bann zéfor (1 Jan 5:14, 15).

Èske ou pe réfléchi koman ou pouré fé plus dann prédikasion dann pèryod Mémoryal ?