Pou Jéova maryaj lé pa badinaj. Li la di ke le mari é le madam néna in lien for ant inn é lot (Mat 19:5, 6). Anparmi bann sèrviteur Bondieu, néna in bonpe koup ki donn anou in bon légzanp. Parkont, la poin in maryaj ke lé parfé. Donk, lé oblijé bann sousi i ariv. Mé alon pa pansé, ke sépar anou de nout konjoin oubien divorsé, sé le solusion pou règ bann problèm dan nout koup. Koman bann krétien maryé i pe protèj zot langajman ?

Ala 5 zidé inportan :

1. Protèj zot keur é pousa évit fé lamoureu avèk in not moun é bann lamuzman ke lé sal, parske sa va rann fèb zot langajman dan le koup (Mat 5:28 ; 2 Pièr 2:14).

2. Ranfors zot lamitié avèk Bondieu é zot lanvi avoir in vi d’koup ki plé ali (Psom 97:10).

3. Kontinué abiy azot avèk le nouvo pèrsonalité é fé bann ti jès janti ki rann la vi out konjoin plu fasil (Kol 3:8-10, 12-14).

4. Kontinué bien diskuté ansanm pou ranfors zot lien avèk in bonpe réspé (Kol 4:6).

5. Ke chak konjoin i kontinué « ranpli son devoir » avèk lamour é laféksion anvèr inn é lot (1 Kor 7:3, 4 ; 10:24).

Kan bann krétien i onor zot maryaj, zot i onor sak la mèt an plas le maryaj, Jéova.

GARD LE VIDÉO ALON « KOURI SAN LARG LE KOR » — ALON OBÉI BANN RÈGLEMAN LA KOURS, APRÉSA RÉPONN BANN KÉSTION LA :

• Mèm si le maryaj i démar bien, kèl problèm i pe arivé ?

• Sak i kroi ke dan zot koup la pu lamour, kèl vérité biblik i pe èd azot ?

• Kèl règ Jéova la mèt an plas pou la vi d’koup ?

• Kosa lé 2 konjoin i doi vréman fé si zot i ve réusi zot vi d’koup ?