Kont kosa ou sobat tou lé jour ? Èske ou lé in chèf de fami ke néna in bonpe résponsabilité ? Èske ou lé in paran ki viv touseul é ki trouv difisil fini le moi ? Èske ou sé in zélèv ki fé arsèl ali par son bann kamarad lékol ? Èske ou sobat kont in mové santé oubien la viéyès ? Bonpe krétien i afront bonpe zépreuv an mèm tan. Parkont, nou koné ke dann pa lontan, nou va sort dann tousa malizé la (2 Kor 4:16-18).

Pou linstan, nou lé rékonforté konèt ke Jéova i konpran nout bann konba, ke lé inportan pou li kan nou tienbo ansanm é kan nou lé fidèl, é konèt ke li promèt anou bann gayar bénédiksion (Jér 29:11, 12). Jézu li mèm, i fé in kont osi ansanm nou. Kom li la promèt, pandan ke nou fé nout bann zaktivité krétien ‘li lé ansanm nou’ (Mat 28:20). Kan nou réfléchi èk sèryeu su nout libèrté ke nou nora sou le Roiyom Bondieu, sa i ranfors nout léspérans é nou lé bien désidé tienbo ansanm dan nout bann traka (Rom 8:19-21).

GARD LE VIDÉO ALOR KE MOVÉ TAN I ARIV, KAL ZOT LÉSPRI SU JÉZU ! BANN GAYAR ZAFÈR LE ROIYOM VA FÉ, APRÉSA RÉPONN BANN KÉSTION LA :

• Koman bann zumin la éloign azot koté Bondieu, é kosa la ariv azot ?

• Kèl kalité lavnir bann zumin ke lé fidèl Jéova nora ?

• Kosa i fé ke se gayar lavnir lé posib ?

• Kèl bienfé ou lé présé viv dan le monn nouvo ?