Pou ni kamarad Jéova, in létudian la Bib i doi choizi bann bon moun pou frékanté (Ps 15:1, 4). Frékant domoun komsa, nora in bon léfé su li (Prov 13:20 ; lff leson 48).

Kan ou ankouraj in létudian la Bib rejèt bann mové lantrènman, ésèy mèt aou son plas. Petèt ke pou li, lé pa fasil arèt frékant domoun ke lé pa Témoin Jéova. É donk, mèm andeor son létud la Bib, mont ke ou sousi aou vréman pou li. Par égzanp, anvoiy ali bann mésaj, téléfonn ali ou pas inn ti kou son kaz. Furmezur li va fé progré, invit ali kan zot i fé kékchoz pou détann azot avèk dot zadorateur Bondieu. Lèrla, li va rann ali kont vréman ke li lé antrèn gingn plus ankor é ke li la pa pèrd rien (Mark 10:29, 30). É a out tour, ou sra kontan voir ke la fami Jéova i agrandi.

GARD LE TI FIM ALON ÈD NOUT BANN ZÉTUDIAN LA BIB REJÈT BANN MOVÉ LANTRÈNMAN KAMARAD, APRÉSA RÉPONN BANN KÉSTION LA :

• Kosa nou antan par mové lantrènman kamarad ? (1 Kor 15:33).

• Kan Jade té majinn in moman détant ant krétien, kosa li té pans ?

• Koman Neeta la èd Jade ranplas son bann mové lantrènman kamarad par bann bon frékantasion ?