15-21 janvié
JOB 36-37
Kantik 147 èk la priyèr | Dé ti parol pou komansé (1 min)
1. Nou pé mèt tout nout konfians dan la promès viv pou toultan
(10 min)
Sé Jéova i fé anou promès-la, é li mèm li viv pou toultan (Job 36:26 ; w15-F 1/10 13 § 1-2).
Jéova néna la sajès èk la kapasité k’i fo pou fé viv anou dési la tèr (Job 36:27, 28 ; w20.05-F 22 § 6).
Jéova i amont anou kosa i fo nou fé komsa nou gingn la vi pou toultan (Job 36:4, 22 ; Jan 17:3).
Si nou néna in foi kosto dan la promès viv pou toultan, li sra in zarboutan dan nout vi (Ébr 6:19 ; w22.10-F 28 § 16).
2. Bann ti pèrl dan la Bib
(10 min)
-
Job 37:20 : Souvandéfoi dann tan la Bib, par koman in nouvèl té propaj ? (it-1-F 503).
-
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Job 36:1-21 (th loson 2).
4. Promié diskusion
(3 min) TÉMOINIAJ PUBLIK (lmd loson 3 poin 3).
5. Vizit
(4 min) KAZ AN KAZ (lmd loson 2 poin 5).
6. Èsplik kosa ou kroi
(5 min) Diskour. ijwfq-F 57 § 5-15. Lo sujé : Poukosa bann Témoin Jéova té maltrété dann tan bann nazi té o pouvoir ? (th loson 18).
Kantik 49
7. Si pou in problèm santé i fo in trètman oubien in lopérasion, èské ou lé paré ?
(15 min). Diskusion. Fé par in zansien.
Lorganizasion Jéova i fourni anou sak nou la bézoin pou èd anou obéi la loi Bondié su lo san (Akt 15:28, 29). Èské nou ansèrv bien sak i done anou ?
Instructions médicales/Désignation d’une personne de confiance (kart DPA) èk Attestation individuelle (kart ic) : Bann ti kart-la i sèrv pou ékri dési kosa lo moun i aksèp ou kosa li rofuz konsèrnan lo san an ka k’néna in problèm santé. Bann frèr é sèr i pé domand lo frèr k’i okip bann publikasion in kart DPA oubien osi in kart ic pou marmay andsou 18 an. Fo nou march èk bann ti kart-la toultan. Si ou la bézoin ranpli inn oubien sa si i fo ou chanj sak lé ékri dési, amiz pa pou fé ali.
Informations pour les femmes enceintes (S-401) èk Informations pour les patients qui doivent subir une opération chirurgicale ou une chimiothérapie (S-407) : Si nou néna in trètman pou suiv é surtou si i pé aoir in problèm èk lo san, la nou nora bézoin bann papié-la. Si in frèr ou in sèr i doi fé in lopérasion oubien pran in trètman pou kansèr, oubien si in sèr i sa gingn zanfan, zot va domand bann zansien zot lasanblé lo papié k’i fo.
Comité de liaison hospitalier (CLH) : Bann frèr CLH sé bann zansien ké la gingn in formasion pou done bann doktèr èk bann proklamatèr bann ransègnman konsèrnan bann sujé su lo san. Zot i gingn èsplik out doktèr koman soign aou san mèt lo san. É si la bézoin, zot i pé èd aou trouv in doktèr k’i réspèk out désizion. Ou pé kont dési bann frèr-la ninport kèl èr, la nuit kom la journé. Si ou doi rant lopital, kisoi pou opéré oubien pou suiv in trètman, pou kansèr par égzanp, apèl bann frèr CLH dèk ou gingn, é sa mèm si néna lèr la pa bézoin mèt lo san dann situasion-la. Sa i konsèrn osi bann sèr ké lé ansint. Si ou la bézoin bann frèr CLH i èd aou, domand in zansien zot numéro téléfone.
Mont lo VIDÉO Koman bann frèr CLH i èd anou ? Aprésa poz kèstion-la :
Koman lo CLH i pé èd anou si nou doi pran in trètman pou nout santé oubien si nou néna in lopérasion pou fé ?
8. Létud la Bib lasanblé
(30 min) bt chap. 4 § 9-12 èk lankadré p. 34.
