6-12 janvié
PSOM 127-134
Kantik 134 èk la priyèr | Dé ti parol pou komansé (1 min)
1. Papa momon, pran soin zot léritaj, zot ti zarlor
(10 min)
Bann papa momon i gingn kont su lèd Jéova, pou pran soin zot marmay (Ps 127:1, 2).
Bann marmay sé bann kado Jéova, bann joli ti zarlor (Ps 127:3 ; w21.08-F 5 § 9).
Éduk chak marmay dapré sak li la bézoin (Ps 127:4 ; w19.12-F 26 § 20).
Jéova lé kontan oir ké bann papa momon i fé zot méyèr posib pou okup zot marmay é ké zot i kont dési li pou fé sa.
2. Bann ti pèrl dan la Bib
(10 min)
-
Ps 128:3 : Akoz sak la ékri psom-la, i di ké bann garson lé kom bann plan oubien bann boutur zoliv ? (it-1-F 543 § 3).
-
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Ps 132:1-18 (th loson 2).
4. Promié diskusion
(3 min) TÉMOINIAJ INFORMÈL. (lmd loson 1 poin 3).
5. Promié diskusion
(4 min) TÉMOINIAJ INFORMÈL. Lo moun i koz su in kroiyans ké lé pa an akor èk la Bib (lmd loson 5 poin 4).
6. Létud la Bib
(5 min) lff loson 16 bann poin inportan 4-5. Koz èk out létudian su lo solusion ou la trouvé, pou ké mèm si somèn prochèn ou lé pa la, i gingn fé son létud (lmd loson 10 poin 4).
Kantik 13
7. Paran, èské zot i ansèrv gayar zouti-la pou éduk zot marmay ?
(15 min). Diskusion.
Lorganizasion Jéova i fé in ta zartik, vidéo ou dot publikasion, pou èd bann papa momon fé konèt zot marmay, kisa i lé Jéova. Kan mèm sa, pou ansègn zot marmay, bann paran néna in bon zouti dan zot min, sé zot prop légzanp (Dét 6:5-9).
Jézu la ansèrv gayar zouti-la, pou aprann in ta zafèr son bann disip.
Lir Jan 13:13-15. Aprésa, poz kèstion-la :
-
Par son légzanp, Jézu té aprann in bonpé zafèr son bann disip. Akoz ou pans son fason fé té march bien ?
Antank paran, zot bann zaksion i vien mèt an valèr sak zot i ansègn èk la bouch. É donk, zot bon légzanp, va èd bann marmay rèspèk zot lansègnman é va pous banna obéi.
Mont lo VIDÉO Ansègn nout bann marmay par légzanp. Aprésa poz bann kèstion-la :
-
Kèl loson inportan frèr é sèr Garcia, la aprann zot bann fi ?
-
Koman vidéo-la, i ankouraj aou pou kontinié done in bon légzanp out bann marmay ?
8. Létud la Bib lasanblé
(30 min) bt chap. 20 § 13-20.
