La Bib i ankouraj anou konsidèr bann krétien ajé, kom nout bann momon é nout bann papa, é bann jeun, kom nout bann frèr é nout bann seur (lir 1 Timoté 5:1, 2). Bann frèr surtou, i doi mont zot réspé é sousi azot pou bann seur.

In frèr i devré jamé fé lamoureu avèk in seur, é li doi pa fé rien ki pouré jèn aèl, kan zot i retrouv azot ansanm. (Job 31:1). In frèr sélibatèr i devré jamé joué avèk bann santiman in seur sélibatèr, pou fé kroir aèl ke li ve frékanté pou maryé, alor ke lé pa vré dutou.

Bann zansien i doi èt paré pou ékout in seur avèk bon keur, kan èl i poz azot in késtion avèk réspé, ou kan èl i fé konèt azot in nafèr, ousa èl la bezoin de zot. Zot i fé vréman in kont avèk bann seur ke na poin d’mari pou protèj azot (Rut 2:8, 9).

GARD LE VIDÉO MONT IN LAMOUR KI FINI JAMÉ DANN LASANBLÉ BANN KRÉTIEN POU... BANN VEUV É SAK NA PU PAPA, APRÉSA RÉPONN BANN KÉSTION LA :

• Koman lasanblé la montré, ke zot té ièm in bonpe seur Myint ?

• Koman lamour ke lasanblé la montré, la donn in bon témoiniaj bann domoun le vilaj ?

• Koman lamour ke lasanblé la montré, la aji su bann fiy seur Myint ?

Kosa ou pe fé dan la pratik, pou mont out lamour pou bann seur out lasanblé ?