Bann zobjèktif spirituèl, sé tout sak nou fé èk tout nout kèr pou sèrv Jéova plis ankor, é pou rand ali éré. Sa i èd anou vnir bann krétien mur, é donk i mérit ké nou fé zéfor pou done nout tan é nout fors pou sa (1 Tim 4:15). Lé bien nou pran labitid rokalkul nout bann zobjèktif tanzantan. Poukosa ? Parské nout situasion i chanj. Pétèt in lobjèktif i tien pu la rout, oubien nou la niabou fé sak nou té i vé, alor nou pé mèt in not lobjèktif an plas.

Kan in nouvo lané d’sèrvis i ariv, la lé lo bon moman pou réfléchi sak nou kont fé. Kosa zot i pans si dann in ladorasion an famiy zot i koz ladsi, é ké zot i profit pou rogardé kosa zot i kont fé an famiy ou chakèn son koté ?

Kosa ou voudré fé su bann zafèr marké andsou la, é koman ou va pran aou pou fé sa ?