NOUT VI KRÉTIEN
« Lo batay pou défand é pou fé rokonèt lo gayar nouvèl dovan tribunal »
Kan bann zènmi la ésèy blok lo rokonstruksion lo Tanp, bann Zisraélit la rod moiyen pou fé rokonèt zot droi dovan la justis (Ésd 5:11-16). Lé parèy, bann krétien i vé défand lo gayar nouvèl é fé rokonèt ali dovan la justis (Fil 1:7). Sé pousa mèm, an 1936 la mèt an plas in sèrvis juridik dann buro mondial. Jordi, lo sèrvis juridik dann buro mondial i jèr tout sak lé fé pou défand é fé avans bann zaktivité lo Roiyom partou su la tèr. Koman li fé sa, é kèl bon zafèr sa i aport lo pèp Bondié ?
ROGARD LO VIDÉO INN TI TOUR DAN LO SÈRVIS JURIDIK BURO MONDIAL, APRÉSA RÉPOND BANN KÈSTION LA :
-
Kèl kalité problèm i pous bann Témoin Jéova défand azot dovan la justis ?
-
Kèl zafèr nou la niabou gingné dovan tribunal ? Done in légzanp.
-
Koman chakèn an parmi nou, nou pé édé pou « défand lo gayar nouvèl » é « fé rokonèt ali dovan tribunal » ?
-
Su nout sit lintèrnèt, ousa nou pé trouv laktualité su bann zafèr k’i pas tribunal é osi lo non bann Témoin Jéova an prizon akoz zot kroiyans ?
