Pou kontant Bondieu, in létudian la Bib i doi ranfors son foi (Ébr 11:6). Pou touch son keur, nou pe ansèrv le liv Viv ereu pou toultan ! Dann liv létud la, néna bann vèrsé inportan, bann rézonnman klèr, bann késtion bien choizi, bann vidéo ki pous pou aji, é bann joli zimaj. Kan nou èd in létudian la Bib travay pou gingn bann joli kalité krétien, é pou èt kamarad Bondieu, nou lé antrèn konstrui avèk bann matèryèl ke le fe i détrui pa (1 Kor 3:12-15).

Kom zot i voi pa Bondieu, désèrtin i trouv dur majinn azot èt kamarad ansanm li. Alor, sé nou ki doi èd azot mieu konèt Bondieu é mèt zot foi an li.

GARD LE VIDÉO ANSÈRV LE LIV « VIV EREU POU TOULTAN ! » POU FÉ NÈT LA FOI AN JÉOVA, APRÉSA RÉPONN BANN KÉSTION LA :

• Kosa i mont ke le seur la bien prépar létud la Bib la ?

• Koman bann késtion èl la pozé an plus su Izai 41:10, 13, la èd létudian pou di sak li pans ?

• Kél léfé le vidéo é le bann vèrsé la Bib navé su létudian ?

In bonpe domoun i koné pa kosa i lé la ranson, oubien zot i voi pa sa kom in kado ke Bondieu la of chak moun inn par inn (Gal 2:20). Donk, i fo nou èd azot fé grandi zot foi dann sakrifis Jézu.

GARD LE VIDÉO ANSÈRV LE LIV « VIV EREU POU TOULTAN ! » POU FÉ NÈT LA FOI AN JÉZU, APRÉSA RÉPONN BANN KÉSTION LA :

• Kosa i mont ke le frèr la bien prépar létud la Bib la ?

• Koman li la adap le parti « Gard sa osi » pou èd son létudian ?

• Poukosa lé vréman inportan ke nou pri avèk létudian é ke li mèm li pri osi ?