Kan Jézu té prèch, li té ansèrv sak té éspas otour d’li pou ansénié (Luk 13:1-5). Aou osi, ou pe ansèrv sak ou la antandu dann laktualité, pou donn le moun lanvi ékout sak ou na pou di su le Roiyom. Dabor, ou pe koz su bann sujé kom, la vi lé chèr, in katastrof naturèl, bann problèm la sosiété, la drog, ou dot zafèr ankor, aprésa ou pouré poz ali in késtion ki fé réfléchi ali, kom par égzanp : « Èske ou pans k’in jour [sit in problèm] nora pu dutou ? », oubien « Dapré ou, èske néna in solusion pou [sit in problèm] ? » Aprésa mont in vèrsé ke na in lien avèk le sujé ou la koz desu. Si le moun i fémont ke li lé intérésé, alor propoz ali gard in vidéo oubien donn in publikasion ke lé dan nout bann zouti pou ansénié. Alor ke nou fé zéfor pou touch le keur domoun dan nout téritoir, ‘alon fé tout pou le gayar nouvèl’ (1 Kor 9:22, 23).

Kèl sujé i pouré intérès domoun dan out téritoir ?