Kosa i lé lanrojistréman la lèktur la Bib ? Sé in lèktur la Bib anrojistré pou lo nouvo vèrsion Traduction du monde nouveau. Ti pé ti pé, li sort dann plizanplis langaj. Sak lé gayar pou nou sé ké, na in voi diféran pou chak pèrsonaj. Kan i lir lo tèks, i joué èk lo son la voi é i lir èk santiman pou transmèt kom k’i fo sak la Bib i di.

Kèl bienfé désèrtin i gingn kan zot i ékout lanrojistréman la lèktur la Bib ? Sak i ékout souvan la lèktur la Bib anrojistré, i èm in bonpé lo fason li rand vivan la Parol Bondié. Avèk lo bann voi diféran ké néna dédan, zot i gingn majine ankor plis lo zistoir zot lapou lir, é zot i konpran mié lo tèks (Prov 4:5). Na in bonpé la romarké ké kan zot lé trakasé é ké zot i ékout la lèktur la Bib anrojistré, sa i apèz zot kèr (Ps 94:19).

Kan nou antan in moun i lir for la Parol Bondié komsa, sa i pé aoir in gran léfé su nout vi (2 Kron 34:19-21). Si la fine anrojis la Bib an antié oubien in bout dan in lang ké ou konpran, èské ou pouré pran labitud ékout ali kan ou fé out létud ?

ROGARD LO VIDÉO LANROJISTRÉMAN LA LÈKTUR LA BIB (INN TI BOUT), APRÉSA RÉPOND KÈSTION LA :

Kosa i mark aou kan ou oi kosa lé fé pou anrojis la lèktur la Bib ?