6-12 mé
PSOM 36-37
Kantik 87 èk la priyèr | Dé ti parol pou komansé (1 min)
1. « Mèt pa ou an kolèr akoz bann mové moun »
(10 min)
Bann mové moun i fé pas anou la mizèr (Ps 36:1-4 ; w17.04-F 10 § 4).
Kan nou gard la kolèr dan nout kèr kont bann « mové moun », sa i fé mal anou (Ps 37:1, 7, 8 ; w22.06-F 10 § 10).
Nou rosan la pé dann kèr kan nou néna konfians dan bann promès Jéova (Ps 37:10, 11 ; w03-F 1/12 13 § 20).
DOMAND AOU : « Èské mon lèspri i rès tro kalé dési la violans ké mi oi dan laktualité ? »
2. Bann ti pèrl dan la Bib
(10 min)
-
Ps 36:6 : Somanké, kosa vèrsé-la i amont, kan li di ké la justis Jéova « lé gran parèy bann montagn [oubien : bann « montagn Bondié », ti not] » ? (it-2-F 341 § 7).
-
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Ps 37:1-26 (th loson 10)
4. Promié diskusion
(3 min) KAZ AN KAZ. (lmd loson 1 poin 5).
5. Vizit
(4 min) TÉMOINIAJ INFORMÈL. Propoz in létud la Bib èk in moun té vé pa étudié néna lontan d’sa (lmd loson 9 poin 4).
6. Diskour
(5 min) ijwbv 45. Tèm : Kosa nou konpran dan lo Psom 37:4 ? (th loson 13).
Kantik 33
7. Èské ou prépar aou pou lo « tan la détrès » ?
(15 min). Diskusion.
In pé partou dan lo monn, nout bann frèr é sèr i pèrd tout sak zot néna, é pli pir ankor, zot i pèrd bann moun zot i èm akoz bann katastrof naturèl, oubien akoz domoun k’i provok bann katastrof (Ps 9:9, 10). Lé bien maléré, parské bann « tan la détrès » i pé ariv dési ninport kèl moun é ninport kan. Donk, nout tout nou doi prépar anou si jamé bann zafèr komsala i ariv.
Lé vré nou doi prépar nout bann zafèr matèryèl a, mé kosa nou pé fé pou an sort anou si jamé in katastrof i ariv ?
-
Prépar nout mantal : Ou doi rokonèt k’in katastrof i pé arivé é ou doi réfléchi osi dési nout fason réaji. Fé an sort ké out kèr lé pa amaré èk out zafèr matèryèl. Alor, ou va aji èk sajès é ou va pa fé lantrak, dirèk ou va fé pas out sékurité é out vi avan out bann zafèr matèryèl (Jén 19:16 ; Ps 36:9). Mèm si ou la pèrd in paké zafèr akoz lo katastrof, ou va aksèp lé choz kom i lé é out moral sra pa atèr (Ps 37:19).
-
Prépar lo koté spirituèl : Gard in gran konfians ké Jéova lé kapab pran soin d’ou é ké li vé vréman fé sa (Ps 37:18). Gard toultan dan out tèt ké Jéova i gid é i okip bien son bann sèrvitèr, mèm si i rès azot ‘rienk zot vi kom rékonpans’ (Jér 45:5 ; Ps 37:23, 24).
Kan nou va gard bann promès Jéova bien klèr dan nout tèt, li sra pou nou kom in « ranpar dann tan la détrès » (Ps 37:39).
Mont lo VIDÉO Èské zot lé paré si néna in katastrof ? Aprésa domand sak lé la :
-
Si jamé néna in katastrof, koman Jéova i pé sov anou ?
-
Kosa nou pé fé pou prépar anou ?
-
Koman nou pé èd nout bann frèr é sèr krétien ké la viv in katastrof ?
8. Létud la Bib lasanblé
(30 min) bt chap. 9 § 8-16.
Dé ti parol pou fini (3 min) |
a Gard lo Réveillez-vous ! no 5 2017, paj 4-6.