In lépreuv i pe fasilman dékouraj anou, surtou kan li dur lontan. David té koné ke le lépreuv ke li té viv akoz le roi Saul, noré fini in jour, é ke li té sar devnir roi kom Jéova la promèt ali (1 Sam 16:13). Son foi la èd ali èt pasian é atann ke Jéova i aji.

Dann lépreuv, avèk la prudans, la konésans oubien le kapasité pou réfléchi, petèt nou sré kapab chanj le situasion (1 Sam 21:12-14 ; Prov 1:4). Malgrésa, désèrtin difikulté i pe duré, mèm si nou fé tout nout posib pou mèt an pratik bann prinsip la Bib. Alor, i fo nou fémont la pasians é ke nou atann ke Jéova i aji. I tard pa, Bondieu va anlèv tout nout bann soufrans é li « va ésui tout larm » dan nout zieu (Rév 21:4). Mèm si nou trouv in soulajman avèk lèd Jéova oubien in not fason, in zafèr lé sur : in lépreuv i dur pa pou toultan ! An vré, konèt se vérité la i aport anou in soulajman.

GARD LE VIDÉO IN PEUP UNI DAN IN MONN OUSA NA POIN LANTANT, APRÉSA RÉPONN BANN KÉSTION LA :

• Kèl difikulté désèrtin krétien ki abit le sud Zéta Zuni la pas dedan ?

• Koman zot la fémont zot pasians é zot lamour ?

• Kosa i mont ke zot la rès kalé su « bann zafèr le plu zinportan » ? (Fil 1:10).