Nou néna kat vidéo prézantasion létud la Bib. Dan kèl but la fé chakèn bann vidéo la ?

• Le vidéo Poukosa étudié la Bib ? (vidéo plu long) lé fé pou donn domoun lanvi mieu konèt la Bib, kinport zot bann kroiyans. Li pous domoun pou rod dan la Bib bann répons pou bann késtion inportan su la vi, é li fémont koman lansègnman la Bib néna in sans. Li ésplik osi koman demann in létud la Bib.

• Le vidéo Poukosa étudié la Bib ? (vidéo plu p’ti) lé kom le vidéo plu long, mé lé apepré troi foi plu kourt. Petèt, li sra plus util dan bann téritoir ousa domoun na poin tro le tan koz èk nou.

• Le vidéo Koman i éspas in létud la Bib ? lé fé pou donn domoun lanvi étudié la Bib gratuitman é réponn bann késtion ke zot i poz azot souvan ladsu, é li mont osi koman demann in létud la Bib.

• Le vidéo Prézantasion pou fé in diskusion biblik vivan lé fé pou ke nou mont sa in létudian la Bib. Li donn inn ti lidé su sak néna dann liv Viv ereu pou toultan ! é li ésplik koman i éspas in létud la Bib. Mèm si i propoz gard vidéo la dann liv Viv ereu pou toultan ! (paj deu), nou pe osi fémont ali kan nou fé létud dann ti brochur Viv ereu pou toultan !

Donk, chakèn bann vidéo la, lé util pou in nafèr bien prési. Mé nou pe osi fémont ou anvoiy ninport kèl vidéo, kan nou pans ke sé le bon moman. Bann proklamateur lé ankourajé bien konèt bann vidéo la, pou ke zot i ansèrv sa in bon fason dann prédikasion.