Mars 4-10
PSOM 16-17
Kantik 111 èk la priyèr | Dé ti parol pou komansé (1 min)
1. « Tout bann bienfé mi gingn i sort koté Jéova »
(10 min)
Èt kamarad avèk bann sèrvitèr Jéova i rand anou vréman éré (Ps 16:2, 3 ; w18.12-F 26 § 11).
Konèt ké Jéova lé nout Kamarad, i aport anou in gran kontantman (Ps 16:5, 6 ; w14-F 15/2 29 § 4).
Kom Jéova i vèy dési nou spirituèlman, nou san anou an sékurité (Ps 16:8, 9 ; w08-F 15/2 3 § 2-3).
Kom David, nout vi néna vréman in sans parské ladorasion Jéova i pas dabor an promié, é sé sa mèm k’i aport anou bann bienfé.
DOMAND AOU : « Dan kèl domèn mon vi lé pliméyèr lépok mi té pa dan la vérité ? »
2. Bann ti pèrl dan la Bib
(10 min)
-
Ps 17:8 : Kosa i vé dir la « prinèl dé out zié » ? (it-2-F 697).
-
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Ps 17:1-15 (th loson 5).
4. Promié diskusion
(1 min) KAZ AN KAZ. Propoz linvitasion Mémoryal. (th loson 11).
5. Promié diskusion
(3 min) KAZ AN KAZ. Propoz linvitasion Mémoryal. Lo moun i mont li vé konèt plis. Mont lo vidéo Pou souvnir aou lo sakrifis Jézu, aprésa koz dési èk lo moun (th loson 9).
6. Promié diskusion
(2 min) TÉMOINIAJ INFORMÈL. Propoz linvitasion Mémoryal (th loson 2).
7. Létud la Bib
Kantik 20
8. Koman tienbo anou paré pou Mémoryal ?
(15 min). Diskusion.
Lo Dimanch 24 mars, sra la dat lanivèrsèr lo sakrifis Jézu, é pou suiv son bann zinstruksion, nou sa souvnir anou d’sa (Luk 22:19). Lo soir-la, nou sa souvien anou sakrifis-la é va pous anou osi réfléchi su lo dé pli gran jès plin lamour, ké pèrsone la jamé montré pou lé zot (Jan 3:16 ; 15:13). Koman prépar anou pou lévènman-la ?
-
Mèt lo kèr pou soutien la kanpagn pou invit domoun lo diskour èspésial é Mémoryal. Ékri lo non bann domoun dan out lantouraj, é invit azot. Si désèrtin i abit pa dan out téritoir, rod dési jw.org landroi èk lèr i fé bann rénion pa loin zot kaz.
-
Pou mars èk avril, prèch in pé plis. Èské ou pouré fé pionié oksilièr, pou fé 15 zèr ousoi 30 ?
-
Lo 18 mars, komans réfléchi su bann zévènman inportan la arivé dann dèrnié somèn Jézu lété dési la tèr. Ansèrv « Mémoryal 2024 : Program lèktur la Bib », paj 6-7, pou oir kèl kantité vèrsé ou va lir tou lé jour.
-
Lo jour Mémoryal, rogard ladorasion gran matin su jw.org.
-
Sur plas, akèy èk gran kèr sak i vien promié foi é sak i prèch pu dopi lontan. A la fin Mémoryal, tienbo aou paré pou répond bann kèstion ké in linvité i pouré pozé. Fé sak i fo pou èd in moun k’i vé konèt plis.
-
Avan é apré Mémoryal, réfléchi an profondèr dési la ranson.
Mont lo VIDÉO Pou souvnir aou lo sakrifis Jézu. Aprésa domand sak lé la :
Koman nou pé ansèrv vidéo-la dan la kanpagn pou invit domoun Mémoryal ?
9. Létud la Bib lasanblé
(30 min) bt chap. 6 § 18-24 èk lankadré p. 48.
