NOUT VI KRÉTIEN
Fémont lamour dan out fami
Lamour lé kom siman, li rann plu for bann lien dan la fami. Si na poin lamour, in fami i gingn arpa rès soudé é travay min dan la min ansanm. Koman in mari, in madam é bann papa momon i pe fémont zot lamour ?
In mari ki ièm son madam i tien kont sak èl la bezoin, sak èl i pans é sak èl i resan (Éféz 5:28, 29). Li fé sak i fo pou donn son fami sak zot la bezoin dann domèn matèryèl é spirituèl ; li mank pa surtou fé létud avèk son fami (1 Tim 5:8). In madam ki ièm son mari i soutien son bann désizion é èl néna in « gran réspé » pou li (Éféz 5:22, 33 ; 1 Pièr 3:1-6). Le mari kom le madam, lé paré pou pardoné èk gran keur inn é lot (Éféz 4:32). Bann papa momon ke na plin lamour, i sousi azot pou chakèn zot bann marmay inn par inn, é i aprann azot èm Jéova (Det 6:6, 7 ; Éféz 6:4). Kèl difikulté zot bann marmay néna lékol ? Èske zot i tien tèt kan désèrtin i fé présion su zot ? Kan néna lamour dan in fami, toulmonn na le keur trankil é zot i san azot an sékurité.
GARD LE VIDÉO MONT IN LAMOUR KI FINI JAMÉ DAN OUT FAMI, APRÉSA RÉPONN BANN KÉSTION LA :
-
Koman in mari ke lé plin lamour i pe « donn manjé » son madam é pran soin d’èl ?
-
Koman in madam ke lé plin lamour i pe mont in gran réspé pou son mari ?
-
Koman bann papa momon ke lé plin lamour i pe ansègn la parol Bondieu zot bann marmay ?