NOUT VI KRÉTIEN
Sak mi fé pou nou gard in bon réputasion
Domoun i gèt bien koman bann Témoin Jéova i konport azot (1 Kor 4:9). Nou pé domand anou : « Èské sak mi di é sak mi fé i rand gloir Jéova ? » (1 Pièr 2:12). Lé sur, nou vé pa fé rien ké va sali lo bon réputasion bann Témoin Jéova la gingné avèk lo tan (Ékl 10:1).
Dan bann diféran ka andsou la, ékri koman in krétien i dévré réaji, é in vérité biblik va gid ali pou sa :
-
In moun lé pa témoin i pran lé nèr sanm ou.
-
Out linj lé kaskasé, out loto oubien out kaz lé malprop.
-
Ou trouv in loi out péi lé pa jus, oubien difisil pou obéi.
Kosa sak i travay bibliotèk dann sèrvis pou rédaksion dann Bétèl, i fé pou nou gard in bon réputasion ?
ROGARD LO VIDÉO BANN PUBLIKASION K’I ANKOURAJ LAMOUR É LO RÈSPÉ POU LA VÉRITÉ, APRÉSA RÉPOND KÈSTION LA :
Kosa i mark aou dan tout sak lé fé par lorganizasion, pou prépar bann publikasion é bann vidéo k’i done anou bann zinformasion korèk ?
