30 désanm 2024-5 janvié 2025
PSOM 120-126
Kantik 144 èk la priyèr | Dé ti parol pou komansé (1 min)
Bann Zistaélit ké lé rovni dan zot péi, i rékol èk la joi dann kèr, parské Jéova i béni lo travay dur zot i fé.
1. Pou planté zot larm la koulé, mé zot la rékolté èk la joi dann kèr
(10 min)
Kan la libèr azot Babilone pou romèt an plas lo vré ladorasion, bann Zisraélit lavé in gran kontantman dann kèr (Ps 126:1-3).
Somanké bann Zisraélit ké la rotourn Juda la plèré, kan zot la vu tousa travay zot navé pou fé (Ps 126:5 ; w04-F 1/6 16 § 10).
Zot la été béni parské zot la pa largé (Ps 126:6 ; w21.11-F 25 § 17 ; w01-F 15/7 18-19 § 13-14 ; gard lo zimaj ).
SUJÉ POU RÉFLÉCHI DÉSI : Apré Armagédon, kan nou sra délivré lo vié monn-la, kèl difikulté nou va konèt dan lo gro travay réparasion ? Mé kèl bénédiksion nou sar rékolté ?
2. Bann ti pèrl dan la Bib
(10 min)
-
Ps 124:2-5 : Jéova la protèj lo pèp Israèl kan zot vi té an danjé, èské i fo nou atand li fé parèy pou nou ? (cl-F 86 § 15).
-
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Ps 124:1 – 126:6 (th loson 5).
4. Promié diskusion
(3 min) TÉMOINIAJ PUBLIK. (lmd loson 3 poin 5).
5. Vizit
(4 min) KAZ AN KAZ. Kan ou la vu lo moun dèrnié kou, li té pa sur ké lé posib kroir an la Bib (lmd loson 9 poin 5).
6. Létud la Bib
Kantik 155
7. Trouv kontantman dan bann promès Bondié
(15 min). Diskusion.
Jéova la tienbo bann promès li lavé fé èk bann Zisraélit ké lété déporté Babilone. Li la sov azot é li la pardone bann péché zot lavé fé avan (Izai 33:24). Lé sur ké Jéova la protèj azot é osi zot bann zanimo domèstik, kont bann lion é dot zanimo sovaj. Li la fé sa, parské bann zanimo-la lavé ogomant an kantité, kan navé pu pèrsone dan lo péi (Izai 65:25). An plis ké sa, bann Zisraélit la abit dan zot prop kaz, é zot la manj bann frui dési zot prop pié rézin (Izai 65:21). Bondié la béni zot travay, é zot la viv lontan (Izai 65:22, 23).
Waterfall: Maridav/stock.adobe.com; mountains: AndreyArmyagov/stock.adobe.com
Mont lo VIDÉO Alon aprésié bann promès la pé Bondieu (inn ti bout). Aprésa poz bann kèstion-la :
-
Jordi, koman nou oi ké bann profési-la i réaliz dann domèn spirituèl ?
-
D’in fason pli gran ankor, koman bann profési-la va réalizé dan lo monn nouvo ?
-
An parmi bann profési-la, lékèl ou lé présé oir réalizé ?
8. Létud la Bib lasanblé
(30 min) bt chap. 20 § 8-12 èk lankadré paj 161.
