34:5-7

Kom li té koné bien bann kalité Jéova, sa la pous Moiz amont ali pasian ansanm son bann frèr israélit. Lé parèy, si nou aprann vréman konèt bann kalité Jéova, nou va aji pou le bien nout bann frèr é seur.

• « Ki fé mizérikord é ki resan in bonpe la pitié » : Kom bann paran avèk zot marmay, Jéova i pran soin de son bann zadorateur avèk tandrès, lamour é li sousi ali de zot.

• « I pran pa la kolèr vitman » : Jéova lé pasian avèk son bann sèrviteur, li suport zot défo é li donn le tan pou amélior azot.

• « Néna in gran lamour fidèl » : Jéova i konstrui, ant li é son bann sèrviteur, in lamitié ke lé for é plin lamour fidèl.

DEMANN AOU : « Koman nou pe imit Jéova ki fé mizérikord é ki resan in bonpe la pitié ? »