Jézu la préché « le gayar nouvèl le roiyom Bondieu » (Luk 4:43). Li la osi ansègn bann domoun pou priyé pou se roiyom la (Mat 6:9, 10). Dann moi novanm, nou va fé in léfor spésial pou prèch le roiyom Bondieu (Mat 24:14). Fé in bon program pou fé tout out posib, pou alé inform domoun dann pèryod la. Dann moi la, bann pionié oksilièr va gingn choizi fé in sèrvis 30 oubien 50 eur.

Dan landroi ousa ou abit, lir in vèrsé la Bib su le roiyom Bondieu avèk le plus domoun posib. Prépar bann vèrsé dapré bann relijion bann domoun. Si, dé le premié diskusion le moun lé intérésé, donn ali La Tour de Garde publik n^o 2 2020. Aprésa, fé le premié vizit le plu vit posib. É éfors aou, komans in létud biblik avèk in publikasion dan nout bann zouti pou ansénié. I rès pa bokou d’tan, avan ke le roiyom Bondieu i détrui tout sak i drès azot kont son dominasion (Dan 2:44 ; 1 Kor 15:24, 25). Donk, alon vréman profit se lokazion spésial la, pou fémont nout fidélité pou Jéova é pou son roiyom !