Bann Témoin Jéova na in loneur ke lé spésial. Kom nou lé bann krétien batizé, chakèn d’ant nou, néna in lamitié profon ansanm le Plu Gran Mèt Sénieur Jéova. Li la atir anou vèr li par le moiyin son Garson (Jan 6:44). Li ékout nout bann priyèr (Psom 34:15).

Koman nou pe protèj nout lamitié avèk Bondieu ? Ke nou imit pa le mové konportman bann Zisraélit. Jus apré ke zot la aksèp in langajman ansanm Jéova, zot la fabriké inn ti beuf an or é zot la tonm devan pou adoré (Égzod 32:7, 8 ; 1 Kor 10:7, 11, 14). Nou pouré demann anou : « Koman mi réaji kan mi lé tanté ? Mon bann zaksion i mont ke mi pran soin mon lamitié ansanm Jéova ? » In profon lamour pou nout Papa dann sièl va èd anou rejèt bann choz ke li détès (Psom 97:10).

REGARD LE VIDÉO PROTÉGEONS NOTRE RELATION AVEC JÉHOVAH (COL 3:5), APRÉSA RÉPONN BANN KÉSTION LA :

• Kosa i ve dir ral le keur ?

• Poukosa nou doi rejèt lanvi gingn toujour plus é ador bann fo bondieu ?

• Kèl lien néna ant tronp son konjoin é ador bann fo bondieu ?

• Poukosa bann frèr ke na bann résponsabilité i doi vréman fé atansion bann bezoin zot madam ?