Kan deu krétien maryé i viv ereu ansanm, sa i donn loneur Jéova é i kontant le keur inn é lot (Mark 10:9). Si in krétien i ve ke son maryaj lé solid é ke li viv ereu èk son lémé, alor kan li choizi son konjoin, i fo li baz ali bien mèm su bann prinsip la Bib.

Komans frékanté rienk si ou la finn « pas la fleur la jenès », in pèryod la vi ousa bann lanvi séksuèl lé tèlman for, ke sa i pe déform nout fason voir lé choz (1 Kor 7:36). Utiliz avèk sajès out vi antank sélibatèr, pou ranfors out relasion avèk Jéova, é travay pou gingn bann joli kalité krétien. Alor si in jour ou maryé, sa va èd aou ankor plus pou viv ereu dan out maryaj.

Avan aksèp maryé èk in moun, pran le tan ki fo pou konèt sak néna « anndan le keur le moun » (1 Pièr 3:4). Si ou na bann dout vréman sèryeu, koz èk li de sa. Kom dan tout relasion ant bann zumin, lantant dann maryaj i éspas bien, si le bann konjoin lé plus paré pou doné olèrk ganié (Fil 2:3, 4). Kan ou mèt an pratik bann prinsip la Bib avan maryé, sa va èd aou konstrui out maryaj su bann fondasion bien solid.

GARD LE VIDÉO BIEN PRÉPAR ANOU POU LE MARYAJ : « KALKUL LA DÉPANS » (3^èm PARTI), APRÉSA RÉPONN BANN KÉSTION LA :

• Koman le relasion ke le jeun seur lavé avèk Shane la tourné ?

• Kosa èl la remarké furmezur èl té aprann mieu konèt ali ?

• Koman son bann paran la èd aèl, é kèl désizion saj le seur la pran ?