Pou suport bann « dèrnié jour », nou lé ‘ékipé kom ki fo’ par la Parol Bondieu (2 Tim 3:1, 16, 17). Malgrésa, défoi nou la bezoin in koudmin pou trouv bann prinsip la Bib ke lé util dann in situasion prési. Par égzanp, èske ou rod konsèy pou donn lédukasion marmay ? Antank jeun, èske ou viv bann situasion ki tès out foi ? Èske out keur i singn parske out mari oubien out madam lé mor ? Su jw.org, ou va trouv in ta d’zafèr ki ésplik bann prinsip la Bib ke lé vréman util pou surmont bann situasion komsa, oubien dot zafèr ankor (Prov 2:3-6).

Su paj lakeuy jw.org, klik su LA BIB LÉ UTIL POU OU (gard le zimaj 1). Dan la lis déroulan, choizi in katégori. Oubien, choizi BIBLIOTÈK > DIFÉRAN ZARTIK, aprésa choizi in katégori (gard le zimaj 2). I retrouv osi bann katégori la su JW Library^® *. Su jw.org, ou pe choizi pas par inn anparmi lé deu chemin anlèr la, é alé su diféran zartik. In not fason fé, sé pas par la bar rechèrch.

Tap dan la bar rechèrch bann sujé andsou la, aprésa not le bann zartik ke ou èmré lir :

• Lédukasion bann zanfan

• Koudmin pou bann jeun

• La mor in konjoin