An novanm, nou sar fé in zéfor spésial pou anons se gayar nouvèl : in monn méyeur i tard pa pou arivé (Ps 37:10, 11 ; Rév 21:3-5). Aranj out program pou donn paké a fon pou se kanpagn la. Si ou désid fé sèrvis pionié oksilièr dann moi la, lé posib pou ou, fé 30 ou 50 zeur.

Prépar aou pou ke ou gingn lir in vèrsé, ki parl su le monn nouvo avèk le plus domoun posib. Kan ou choizi in vèrsé, kalkul bien kosa i pouré touch le keur bann domoun out téritoir. Si in moun lé intérésé kan ou koz premié foi ansanm li, alor donn ali La Tour de Gard publik n^o 2 2021. Aprésa, artourn diskut ansanm li vitman, é fé out posib pou komans in létud la Bib dann brochur Viv ereu pou toultan ! Lé vréman gadianm ke nou lé bien okupé pou anons « bann gayar nouvèl pou kékchoz pluméyeur » ! (Izai 52:7).

REGARD LE KLIP VIDÉO LE MONN NOUVO, APRÉSA RÉPONN BANN KÉSTION LA :

• Kèl kalité gayar lavnir le ti fiy i voi aèl antrèn viv ?

• Sit detroi bienfé ke nora dan le monn nouvo ke ou lé présé i ariv.

• Kan ou réfléchi su out léspérans, koman sa i pe prépar aou pou donn paké pou la kanpagn moi d’novanm ? (Luk 6:45).