Nou lé kontan ke nou la gingn in nouvo brochur é in nouvo liv pou fé bann zétud la Bib ! Nou pri Jéova pou ke li béni nout bann zéfor pou fé in kantité disip ankor (Mat 28:18-20 ; 1 Kor 3:6-9). Koman ansèrv bann nouvo zouti la ?

Bann diskusion biblik vivan ke lé dann Viv ereu pou toultan ! i utiliz in nouvo fason ansénié. Ala koman i fo fé pou prépar é fé in létud la Bib *.

• Lir le tèks é koz su le bann késtion.

• Lir le bann vèrsé ousa lé ékri « lir » é èd létudian dégaj le leson ke néna dedan.

• Regard bann vidéo é koz desu (kan néna bann késtion avèk, utiliz azot pou diskuté).

• Ésèy fini in leson an antié chak foi i fé in létud.

Dann prédikasion, pou voir si le moun lé vréman intérésé, propoz dabor le brochur (gard le ti kad «  Koman prézant le brochur Viv ereu pou toultan ! dan in premié diskusion », paj 16). Infoik létudian la fini le brochur an antié, si li ve kontinué son létud, propoz ali le liv é komans avèk le leson 04. Si le moun té finn komans étudié dann liv Ansègn oubien Restez dans l’amour de Dieu (ou in not liv létud), alor alé dirèk dann liv Viv ereu pou toultan ! é regard ousa i fo komans létud.

REGARD LE VIDÉO PRÉZANTASION POU FÉ IN DISKUSION BIBLIK VIVAN, APRÉSA RÉPONN BANN KÉSTION LA :

• Kosa in létudian va aprann dann nouvo liv la ?

• Akoz lé bien ke nou mont le nouvo létudian se vidéo la ?

• Tipe tipe, kèl zobjéktif ou devré ankouraj out létudian pou fiks ali é pou fé ? (regard le tablo «  Sujé é bann zobjéktif pou chak parti »).