BANN PLAS ASIZ Siouplé, rèspèk lé zot moun lé la. Rézèrv la plas sèlman pou bann domoun out famiy oubien sak i abit ansanm ou, sak i vien lasanblé dan out loto oubien sak i étudié ansanm ou. Mèrsi pa mèt rien su lé zot plas.

BANN ZOBJÉ TROUVÉ Si ou trouv in zafèr, dépoz ali èk lo sèrvis bann zobjé trouvé. Donk si ou la pèrd in zafèr ou pé alé oir banna. Si in zanfan la pèrd ali dan lasanblé amèn ali dann sèrvis la. Sèlman, pou évit bann traka inutil, vèy bien out bann marmay é lès banna koté ou.

BANN ZOFRANN Dan landroi ousa i fé lasanblé néna asé la chèz pou toulmonn, néna in bon lékipman sono é vidéo é néna osi dot sèrvis, komsa nou gingn kos koté Jéova é pas in gayar lasanblé. Pou fé tousala i fo in bonpé larjan. Gras lo bann zofrann fé èk bon kèr, va gingn pèy bann dépans la é va soutien osi nout laktivité su tout la tèr. Si ou vé done inn ti moné néna bann ti boit pou zofrann in pé partou dan lasanblé. Zot i pé osi fé bann zofrann su lo sit intèrnèt donate.pr418.com. Tout zofrann lé vréman aprésié. Lo Kolèj santral i vé vréman di azot mèrsi parské zot i soutien lo roiyom gras bann zofrann fé èk gran kèr.

BATÈM Sof si na poin dot zinformasion ladsi, bann plas asiz dovan lo podiom lé rézèrvé pou sak i sa pran batèm. Bann kandida pou batèm, i doi alé asiz son plas dépi lo samdi matin avan lo diskour batèm i komans. Chakèn i doi amèn in mayo d’bin k’i chok pa lé zot èk in sèrvièt.

LAKÈY Bann frèr i fé lakèy lé la pou èd azot. Mèrsi bien ékout azot kan banna va di aou kèl koté ou doi alé gar out loto, kèl landroi ou lé otorizé alé é si lé posib rézèrv la plas pou asiz.

PROMIÉ SOKOUR Siouplé oubli pa in zafèr : sèrvis la lé sèlman pou bann zurjans.

VOLONTÈR Pou ké lasanblé i èspas bien, néna bann zaktivité inportan i doi èt fé. Si zot i vé done in kou d’min alé oir lo sèrvis ransègnman é volontèr.