PARTI 3
Koman lété la vi dann Jardin Lédèn ?
Jéova la donn Adan é Èv bann bon zafèr an kantité (Jenèz 1:28).
Jéova la fé Èv, aprésa la maryé a èl avèk Adan (Jenèz 2:21, 22).
Jéova la kré a zot èk in lintélijans é in kor san okin défo.
Adan é Èv té viv dann in Paradi té apèl jardin Lédèn, in joli landroi èk in rivièr, zarb fruitié é zanimo.
Jéova té koz èk zot ; té ansègn a zot. Si zot lavé ékouté, zot noré viv pou toultan dann Paradi su la tèr.
Bondieu la défann a zot manj bann frui in piédboi (Jenèz 2:16, 17).
Jéova la défann Adan é Èv manj bann frui in piédboi dann jardin la. Si zot i ékout pa, zot va mor.
In lanj la rejèt lotorité Bondieu. Lanj la lété mové, li apèl Satan le Diab.
Satan i voulé pa ke Adan é Èv i obéi Jéova. Li la fé koz in sèrpan pou di Èv, si èl i manj in frui se piédboi, èl va pa mor, mé èl i sra kom Bondieu. Lé sur, li la ramas manteur (Jenèz 3:1-5).
Agard sa osi…
ESSENTIAL BIBLE TEACHINGS
Poukosa Bondieu la kréé la Tèr ?
Not tèr lé vréman in joli zafèr. Ant la Tèr é le solèy néna égzakteman la distans ki fo, li lé panché kom ki fo é li tourn otour solèy égzakteman la vitès ki fo. Poukosa Bondieu la mèt tout son keur pou fé la tèr ?
