PROMIÉ DISKUSION
LOSON 5
Koz èk rèspé
Prinsip la Bib : « Ké zot ti parol lé toultan janti » (Kol 4:6).
Sak Pol la fé
1. Rogard la VIDÉO oubien lir Akt 17:22, 23. Aprésa réfléchi su bann kèstion i vien apré.
-
Kosa Pol la rosanti, kan li la vu sak domoun té fé dan zot rolijion dan la vil Atèn ? (rogard Akt 17:16).
-
Akoz nou pé di ké Pol la fé atansion son kozé i blès pa lé zot ?
Rotien sa
2. Pou k’in moun i vé bien ékout aou, vèy bien sak ou sa di, mé osi lo moman é la fason ou di sa.
Fé parèy Pol...
3. Choizi bien out bann mo. Par égzanp, si ou koz èk in moun lé pa krétien, pran sa an kont kan ou va koz su la Bib oubien su Jézu.
4. Korij pa toutsuit in mové fason pansé. Lès lo moun kozé, mèm si sak li di lé pa an akor èk la Bib (Jak 1:19). Ou va aprann plis su li é su son bann kroiyans si ou pran lo tan ékout ali (Prov 20:5).
5. Kan lé posib, trouv in lantant é félisit ali. Somanké li mèt tout son kèr dan son bann kroiyans. An promié, koz dési in sujé zot lé dakor ansanm, aprésa ti lanp ti lanp, èd ali aksèp sak la Bib i amont.
