Tien kont bann zafèr ke domoun i koné déja. Kontant pa ou di bann zafèr ke banna la finn déja antann ; èd azot konprann le sujé in not fason ankor.

Fé bann rechèrch é pran le tan réfléchi. Si lé posib, pran bann légzanp pou ésplik bann zidé plu inportan. Pou fé sa, utiliz bann zinformasion ke domoun i koné pa tro oubien sak i di dan laktualité. Pran le tan pou réfléchi su bann zidé ou doi prézanté é le rapor ke sa néna avèk bann légzanp ke ou kont prann.

Mont ke sak ou ansègn lé util. Ésplik pou kèl rézon bann pansé la bib i pe èt util dan la vi tou lé jour. Koz su bann situasion, bann fason pansé ou désèrtin konportman éspésial ki pe konsèrn sak lapou ékout aou.