Ankouraj domoun regard sak zot néna dann keur. Poz bann késtion i fé réfléchi domoun, pou èd azot regard kèl kalité santiman zot néna dann keur.

Fé nèt dan zot keur bann bon lintansion. Pous sak lapou ékout aou, réfléchi pou kèl rézon zot i fé bann bon zaksion. Èd azot fé grandi dan zot keur bann bon lintansion : kom lamour pou Jéova, pou lé zot é pou bann zansègnman biblik. Tienbo in rézonnman èk banna ; pa bezoin reproch azot rien. Donn pa le santiman ke zot lé koupab ; kan out sujé lé fini, i fo zot i san azot pluto ankourajé é ke zot na lanvi fé tout zot méyeur posib.

Atir zot latansion su Jéova. Mont koman bann zansègnman, bann vérité biblik pou gid anou, é bann komannman biblik, i atir latansion su bann joli kalité ke Jéova néna é son lamour pou nou. Donn domoun lanvi pran an kont sak Jéova i resan é lanvi kontant son keur.