Sit bann zinformasion ke lé sèryeu. Baz sak ou di su la Parol Bondieu, é pousa, lir bann vèrsé dirèk dan la Bib dèk lé posib. Si ou koz su in sujé la sians, in nafèr dann laktualité, in zistoir la vréman éspasé, oubien ninport kèl zinformasion pou apui out lidé, asur aou dabor ke out bann zinformasion lé vré é i dat pa tro.

Ansèrv in bon fason out bann rechèrch. Pou ésplik bann vèrsé, tien kont tout sak lé ékri avan é apré, ansèrv le mésaj prinsipal ke néna dan la Bib é utiliz osi bann publikasion « lésklav fidél é saj » (Mat 24:45). Kan ou ansèrv in linformasion ki sort ni dan la Bib ni dan nout bann publikasion, tien kont pou kèl rézon é dan kèl lintansion la ékri sa.

Ansèrv bann zinformasion la, pou fé rézoné. Kan ou la finn lir in vèrsé oubien ou la sit in linformasion, poz bann késtion ki jèn pa, oubien donn in légzanp ki ésplik sak ou la di, pou èd domoun tir par zot mèm le bon leson.