BANN PLAS ASIZ Siouplé, réspèk lé zot moun ke lé la. Rézèrv bann plas asiz rienk pou domoun dan out fami, pou sak i abit out kaz, pou sak i fé la rout èk ou, oubien sak i étudi la Bib èk ou. Siouplé, mèt pa rien su lé zot plas asiz.

BANN ZOFRANN Landroi ousa i fé lasanblé, chakèn na in plas pou li asiz, néna in bon lékipman sono é vidéo avèk in ta dot lékipman ki èd anou aproch koté Jéova é pas in gayar lasanblé. Pou fé tousala, la dépans in bonpe larjan. Gras out bann zofrann ke ou fé avèk bon keur, nou va gingn pèy bann dépans la é osi nou va soutien nout laktivité ke lé fé su tout la tèr. In pe partou dann lasanblé la, ou va trouv bann ti boit pou zofrann ke lé fasil pou trouvé. Ou pe osi fé in don su lintèrnet su donate.pr418.com. Chak zofrann lé vréman aprésié. Le Kolèj santral i ve vréman di aou mèrsi pou le soutien ke ou fé èk gran keur pou laktivité le Roiyom.

BATÈM Sof si na poin dot zinformasion la d’su, bann plas asiz ke lé devan le podiom lé rézèrvé pou sak i sar pran batèm. Sak i sar fé batiz ali i doi alé asiz son plas le samdi matin avan le diskour batèm i komans. Chak moun ki sar pran batèm i doi amèn in mayo d’bin ki chok pa lé zot èk in sèrvièt.

LAKEUY Bann frèr ki fé lakeuy lé la pou èd aou. Siouplé, ékout azot bien kan banna va di aou kèl koté ou doi alé gar out loto, kèl landroi ou lé otorizé alé, si lé posib rézèrv bann plas pou asiz.

PREMIÉ SEKOUR Siouplé rapèl aou ke sèrvis la lé rienk pou bann zafèr urjan.

VOLONTÈR Pou ke lasanblé i éspas bien, néna bann zaktivité inportan i doi èt fé. Si ou ve donn in koudmin, alé voir le sèrvis ransègnman é volontèr.

ZOBJÉ TROUVÉ Tout bann zafèr ke ou la trouvé i doi èt dépozé o sèrvis bann zobjé trouvé. Donk si ou la pèrd in nafèr, alé dan sèrvis la pou voir si ou retrouv ali. Si in marmay la pèrd dann lasanblé, i fodra amèn ali dan sèrvis la. Seulman, pou évit bann traka inutil, vèy bien out bann marmay é lès banna koté ou.

Lékol pou bann zévanjélizateur le Roiyom Bann pionié ke néna ant 23 é 65 an é ki ve prèch plus lé invité pou in rénion zinformasion dimanch apré midi. Le landroi èk leur, i sra anonsé kan va donn bann ti zinformasion.