LESON 37
Kosa la Bib i di su le travay é larjan ?
Èske ou la finn trakas aou pou rod in travay oubien pou gingn larjan ? Lé pa toujour fasil gingn son vi, é an mèm tan sèrv Jéova kom li ve. Mé bann konsèy la Bib i pe èd anou.
1. Kosa la Bib i di su le travay ?
Bondieu i ve ke nou lé kontan kan nou travay. La Bib i di ke « na poin pluméyeur pou in bonom [...] trouv kontantman dan son dur travay » (Éklézias 2:24). Jéova i travay dur. Kan nou travay kom li, nou fé plézir ali é nou resan in vré kontantman.
Le travay lé inportan, mé li devré jamé pas avan nout ladorasion pou Jéova (Jan 6:27). Bondieu i promèt ke si nou fé pas ali an premié dan nout vi, li va donn anou tout sak i fo anou pou viv.
2. Kosa i lé le bon fason pansé su larjan ?
La Bib i di ke « larjan lé in protéksion » mé ke li fé pa le boneur (Éklézias 7:12). Li konsèy anou pa èm larjan mé ‘kontant anou sak nou néna’ (lir Ébreu 13:5). Kan nou suiv konsèy la, nou na poin bann regré ke sak i ve toujour plus i koné. Nou andèt pa nou pou rien (Provèrb 22:7). É nou tonm pa dann pièj bann jeu larjan oubien bann projé pou vni rich vitman.
3. Koman nou pe bien utiliz larjan ?
Jéova lé in Bondieu jénéreu, é nou imit ali kan nou lé « jénéreu, paré pou partajé » (1 Timoté 6:18). Nou pe bien utiliz nout larjan, kan nou fé bann zofrann pou lasanblé é kan nou èd sak la bezoin, surtou nout bann frèr é seur dan la foi. Sé pa la kantité nou donn ki kont pou Jéova, mé sak i pous anou doné. Si nou donn èk tout nout keur, nou sra ereu é nou va fé plézir Jéova (lir Akt 20:35).
ALON APRANN PLUS
Alon voir bann bienfé ke néna lès le travay a son plas é kultiv le kontantman.
4. Alon onor Jéova kan nou travay
Nout lamitié avèk Jéova i devré influans nout fason d’voir le travay. Gard le VIDÉO é koz su bann késtion ki vien apré.
-
Kosa ou la remarké su le fason pansé é su le fason d’fé Jason dan son travay ?
-
Kosa li fé pou lès le travay a son plas ?
Lir Kolosien 3:23, 24 é koz su késtion la :
-
Poukosa nout fason d’voir le travay lé inportan ?
Le travay lé inportan, mé li devré jamé pas avan nout ladorasion pou Jéova.
5. Le kontantman i aport bann bienfé
In bonpe d’moun i ésèy ramas in ta larjan. Mé la Bib i ankouraj anou avoir in not fason pansé. Lir 1 Timoté 6:6-8 é koz su késtion la :
-
Kosa la Bib i konsèy anou fé ?
In moun ke na poin tro larjan i pe èt ereu. Gard le VIDÉO é koz su le késtion ki vien apré.
-
Kosa i rann bann fami la ereu, mèm si zot lé mizèr ?
In moun ke néna in bonpe larjan i ve gingn toujour plus. Jézu la éspliké ke se fason pansé lé danjereu. Lir Luk 12:15-21 é koz su késtion la :
-
Kosa ou la aprann su le zistoir ke Jézu la rakonté ? (gard le vèrsé 15).
Lir é konpar Provèrb 10:22 é 1 Timoté 6:10. Aprésa, koz su bann késtion la :
-
Pou ou, kosa lé le plus inportan : èt kamarad ansanm Jéova oubien gingn in ta larjan ? Poukosa ?
-
Kèl problèm nou pe avoir, si nou ve gingn toujour plus larjan ?
6. Jéova va pran soin d’nou
Bann problèm travay oubien larjan i pe vréman montré si nou na konfians an Jéova. Gard le VIDÉO pou voir koman nou pe surmont bann problèm komsa. Aprésa, koz su bann késtion ki vien apré.
-
Kèl difikulté le frèr la ganié ?
-
Kosa li la fé pou surmont sa ?
Lir Matieu 6:25-34 é koz su késtion la :
-
Kosa Jéova i promèt fé, pou sak i mèt ali an premié dan zot vi ?
NADFOI DOMOUN I DI : « Mi doi travay in bonpe pou donn manjé mon fami. Mi gingn pa asis tout bann rénion lasanblé. »
-
Kèl vèrsé i konvink aou, ke fé pas out ladorasion pou Jéova an premié, lé toultan le méyeur désizion ?
SAK NOU LA APRANN
Nou la bezoin travay é nou la bezoin larjan, mé sa i devré jamé anpèch anou sèrv Jéova.
Alon révizé
-
Kosa i pe èd aou gard in bon fason pansé su le travay ?
-
Kèl bienfé le kontantman i pe aport aou ?
-
Koman ou pe montré ke ou na konfians, dann promès Jéova pran soin son bann zadorateur ?
GARD SA OSI
Èske la Bib i di ke larjan sé in mové zafèr ?
« L’argent est-il la racine de tous les maux ? » (lartik jw.org)
Bann don ki fé plézir Bondieu.
Èske bann jeu larjan lé in mové zafèr pou nou ?
« D’après la Bible : Les jeux d’argent » (Réveillez-vous !, mars 2015)
Kosa la pous in voleur ke té joué bann jeu larjan chanj son vi ?
« Les courses de chevaux étaient ma passion » (La Tour de Garde, 1er novembre 2011)
