LESON 55
Out lasanblé lokal é ou
Dan le monn, néna bann zadorateur Jéova par milion é bann zasanblé, par milié. Tout bann Témoin Jéova lé vréman kontan èt ansénié é èt formé, dukou zot i soutien èk gran keur zot lasanblé lokal. Èske ou resan le mèm joi dan out lasanblé ?
1. Koman ou pe donn out tan é out fors pou out lasanblé ?
Dan lasanblé, tout domoun i pe èt util. Dan out lasanblé néna bann frèr é seur ajé oubien andikapé, ou pe èd azot pou asis bann rénion. Ou pe èd azot ankor, par égzanp pou fé kours oubien pou fé ménaj (lir Jak 1:27). Ou pe osi èt volontèr pou nétoiy é antretien la sal du Roiyom. Pèrsonn i oblij pa nou aport nout lèd ; sé lamour pou Bondieu é pou nout bann frèr é seur ki pous anou ‘of anou par nout prop volonté’ (Psom 110:3).
Sak lé batizé i pe fé dot zafèr dan lasanblé. Bann frèr ki ranpli bann kondision biblik ki fo, i pe sèrv lasanblé kom asistan, é aprésa, kom ansien. Bann frèr é bann seur i pe èt pionié é partisip a fon pou laktivité prédikasion. É désèrtin Témoin i rann azot disponib pou konstrui bann batiman pou ladorasion oubien i sava dan in not landroi pou soutien in lasanblé ke la bezoin lèd.
2. Koman ou pe soutien lasanblé avèk sak ou néna ?
La Bib i invit anou ‘donn loneur Jéova avèk sak nou néna de méyeur’ (Provèrb 3:9). Nou lé vréman kontan donn larjan oubien in not nafèr pou soutien lasanblé lokal é laktivité prédikasion (lir 2 Korintien 9:7). Nout bann zofrann i èd pou bann zopérasion sekour. Bonpe Témoin Jéova i mèt souvan « inn ti kékchoz su koté » pou fé in don (lir 1 Korintien 16:2). Zot utiliz pousa le sit donate.pr418.com, oubien bann boit zofrann ke néna dan bann batiman pou ladorasion. Kan nou fé sa, nou mont Jéova ke nou ièm ali.
ALON APRANN PLUS
Alon voir plus an détay koman nou pe soutien lasanblé.
3. Donn sak ou néna
Jéova é Jézu i ièm sak i donn avèk joi. In jour, Jézu la remark inn ti madam pov ke té fé in lofrann. Lir Luk 21:1-4 é koz su bann késtion la :
-
Èske i fo atoupri donn in bonpe pou fé plézir Jéova ?
-
Kosa Jéova é Jézu i resan kan nou donn èk gran keur ?
Pou konèt plus su sak i fé èk bann zofrann, gard le VIDÉO. Aprésa koz su le késtion ki vien apré.
-
Koman nout bann zofrann lé utilizé pou bann zasanblé dan le monn antié ?
4. Of out lèd
Dann tan avan, bann zadorateur Jéova té kontant pa zot donn larjan pou bann batiman pou ladorasion. Zot té travay dur pou pran soin oubien répar bann batiman la. Lir 2 Kronik 34:9-11 é koz su késtion la :
-
Koman chak Israélit la gingn donn la min pou répar le Tanp ?
Pou voir koman bann Témoin Jéova i pran soin zot sal du Roiyom, gard le VIDÉO. Aprésa, koz su bann késtion ki vien apré.
-
Poukosa lé inportan ke la sal du Roiyom lé prop é an bon léta ?
-
Koman ou pe aport out lèd ?
5. Sèrv dan lasanblé
La Bib i ankouraj vréman bann frèr pou sèrv dan lasanblé. Gard le VIDÉO é koz su le késtion ki vien apré.
-
Koman Ryan la komans sèrv plus dan lasanblé ?
La Bib i ésplik sak bann frèr i doi fé pou ni asistan oubien ansien. Lir 1 Timoté 3:1-13 é koz su bann késtion la :
DOMOUN I POURÉ DEMANN AOU : « Ousa larjan i sort dan out relijion ? »
-
Kosa ou noré réponn ?
SAK NOU LA APRANN
Jéova lé kontan voir anou donn le tan, la fors é larjan pou soutien lasanblé.
Alon révizé
-
Koman nou pe utiliz nout tan é nout fors pou sèrv lasanblé ?
-
Koman nou pe soutien lasanblé èk sak nou néna ?
-
Koman ou ièmré aport out lèd pou lasanblé ?
GARD SA OSI
Zordi, èske Bondieu i ve la dim ?
La Bib i fé mont kèl rèsponsabilité bann frèr ké lé batizé i pé aoir. In fanm ké lé batizé i pé aoir bann rèsponsabilité ?
« Le principe de l’autorité dans l’assemblée » (La Tour de Garde, février 2021)
Kèl zéfor inkroiyab bann Témoin i fé pou aport bann publikasion pou bann frèr é seur ?
Èske bann sèrvis relijieu bann Témoin Jéova lé péyan ?
« Comment les Témoins de Jéhovah financent-ils leurs activités ? » (lartik jw.org)
