Done Jéova la gloir
Télécharjé :
1. Kisa lé kom ou Jéova,
Souvrin dann sièl, Toupuisan ?
Koi mi pé fé pou rand aou
Tout out lamour si tèlman gran ?
Mi oi out gloir, out gran puisans
Chak foi mi agard lo sièl.
Alor kisa mi lé, Bondié,
Pou k’ou done amoin out favèr ?
(ROFRIN)
A Jéova, lès amoin chant pou ou
In chanté k’i loué aou.
Ou lé mon Roi, mon Bondié pou toujour.
Mi vé rand sak lé aou :
Tout la gloir lé rienk pou ou.
2. Mi vé viv pou ou Jéova,
Viv pou done aou lonèr.
Mi èm rakont sak ou la fé.
Mi vé koz su out gran bonté.
Èt out sèrvitèr, Jéova,
Lé in gran fièrté pou moin.
Ou lé mon fors, ou lé mon gloir.
Mi vé toultan suiv out chemin.
(ROFRIN)
A Jéova, lès amoin chant pou ou
In chanté k’i loué aou.
Ou lé mon Roi, mon Bondié pou toujour.
Mi vé rand sak lé aou :
Tout la gloir lé rienk pou ou.
3. Mi rès baba kan mi agard
La mèr, la tèr, bann zétoil.
Mi oi out lamour Jéova :
Kom mon joi, li finira pa.
Tèlman lé bo tout sak mi oi,
Mi admir out gran sajès.
Koman pa done aou la gloir
Alor k’ou la fé tout zafèr ?
(ROFRIN)
A Jéova, lès amoin chant pou ou
In chanté k’i loué aou.
Ou lé mon Roi, mon Bondié pou toujour.
Mi vé rand sak lé aou :
Tout la gloir lé rienk pou ou.
(Agard osi Ps. 96:1-10; 148:3, 7.)
