KONTINIÉ VÉYÉ !
2022 : In lané vréman malizé. Kosa la Bib i di ?
An 2022, laktualité té ranpli èk la gèr, problèm lékonomi, èk katastrof dési lanvironeman. Néna rienk la Bib i èsplik vréman kosa bann zévènman i vé dir.
Lo vré lèsplikasion pou sak la èspasé an 2022
Bann zévènman la èspasé dan lané 2022, i rajout ankor in prèv ké nou viv dan sak la Bib apèl, « bann dèrnié jour » (2 Timoté 3:1). Pèryod la la komansé dann lané 1914. Vèy bien koman bann zévènman nou viend viv dan lané 2022, i kol bien èk sak la Bib lavé prédi pou nout lépok :
« La gèr » (Matié 24:6)
« 2022 lété lané lo rotour la gèr èk son bann déga dann Lorop ». a
Lir lartik « Invasion de l’Ukraine par la Russie ».
« Lo mank manjé » (Matié 24:7)
« 2022 : In lané la famine ». b
Lir lartik « La guerre en Ukraine aggrave la crise alimentaire mondiale ».
« Bann zépidémi » (Luk 21:11)
« Nou oi la poliomyélite lapou ropran dann désèrtin landroi, é an mèm tan, la variole du singe lapou mont an flèch, é lo Kovid-19 i kontinié fé déga. Sa i mont anou ké néna ankor bonpé maladi i ménas, é i fé mont osi ké bann domoun su la tèr i gingn pa fé gran choz dovan tousa ». c
Lir lartik « Six millions de morts causées par la Covid : Que dit la Bible ? »
« Bann zafèr i fé pèr » (Luk 21:11)
« Bann pèryod gro chalèr, la sèsrès, dofé, é in gran kantité la pli dann désèrtin péi. Nou va rapèl anou osi la pèryod lété 2022, kan nou oi la kantité siklone ou dot gran fénomèn la météo, k’la kas in bonpé zafèr, la tué bonpé domoun, é la fé déplas domoun par milion dési la tèr ». d
Lir lartik « Records de température dans le monde : qu’en dit la Bible ? »
« Bonpé dézord » (Luk 21:9)
« Domoun néna plizanplis la kolèr, parské néna tro problèm dann lékonomi, bann pri i arèt pa monté, sé pousa banna i désand dann chemin pou di zot lé pa kontan. An 2022, lavé bonpé manifèstasion kont bann gouvèrnman ». e
Lir lartik « Inflation galopante : Qu’en dit la Bible ? »
Kosa i atand anou dann nouvo lané i ariv ?
Na poin inn i gingn di vréman kosa i sa arivé dann lané 2023. Mé sak nou koné, sé k’i tard pa, lo Roiyom Bondié, son gouvèrnman dann sièl, i sa mèt la min dann zafèr lo monn (Danièl 2:44). Gouvèrnman la va anlèv sak i fé souf bann domoun su la tèr, é li va fé an sort la volonté Bondié lé fé su tout la tèr (Matié 6:9,10).
Nou vé di azot vréman, lo tan i près, i fo ké zot i suiv lo konsèy Jézu, é « kontinié véyé », pou oir koman sak i èspas su la tèr, i akonpli bann profési la Bib (Mark 13:37). Siouplé, pran kontak ansanm nou pou aprann koman la Bib i pé èd aou dé jordi mèm é koman la Bib i gingn done aou èk out famiy, in vré lèspoir pou in méyèr lavnir.
a AP News, “2022 Was Year the Horror of War Returned to Europe,” par Jill Lawless, lo 8 Désanm 2022.
b Program mondial alimantèr, “A Global Food Crises.”
c Forom pou la santé JAMA, “Living in an Age of Pandemics—From COVID-19 to Monkeypox, Polio, and Disease X,” par Lawrence O. Gostin, JD, lo 22 Sèktanm 2022.
d Earth.Org, “What’s Behind the Record-Breaking Extreme Weather Events of Summer 2022?” par Martina Igini, lo 4 Oktob 2022.
e Carnegie Endowment for International Peace, “Economic Anger Dominated Global Protests in 2022,” par Thomas Carothers é Benjamin Feldman, lo 8 Désanm 2022.
Agard sa osi…
BANN KÉSTION LA BIB I RÉPONN
Kosa i lé lo sign k’i amont ké nou viv bann « dèrnié jour », ou « lépok la fin » ?
Nou pé konèt kosa i lé bann dèrnié jour gras sak la Bib i di.
ESSENTIAL BIBLE TEACHINGS
Kosa i lé le Roiyom Bondieu ?
Kan li lété su la tèr, Jézu té i koz surtou su le Roiyom Bondieu. Depui tré lontan, son bann disip i pri pou ke se Roiyom i ariv.
