Lané 2023 i viend komansé, é nout tout nou èspèr lo méyèr pou nou mèm é pou nout famiy. Kèl rézon nou néna pou oir lavnir èk konfians ?

 Dan la Bib, néna bonpé gayar promès pou lavnir ; li di anou komsa nout bann problèm va pa dur pou toultan é k’i tard pa, zot va disparèt. An vré, la ékri la Bib ‘pou instrui anou, komsa, gras la konsolasion bann Zékritur, nou gingn lèspérans’ (Romin 15:4).

•   Pou konèt plis su sak la Bib i promèt, lir lartik : « Une espérance réelle pour des jours meilleurs. »

 Lèspoir k’la Bib i done anou i pé èt kom « in lank pou nout vi » (Ébré 6:19, ti not an fransé). Lèspoir la, i pé èd anou gard nout lékilib. Li gingn èd anou sobat kont nout bann problèm, li èd anou gard konfians, é li èd anou trouv lo vré bonèr. Par égzanp :

•   Vien oir koman lèspoir nou trouv dan la Bib, la èd in bonom pou k’li larg in mové labitid. Rogard lo vidéo Moin té fatigé èk mon fason d’viv.

•   Vien oir par ou mèm koman lèspoir néna dan la Bib, i gingn èd anou sobat kont santiman doulèr dann kèr, kan in moun nou èm lé mor. Rogard lo vidéo In soulajman pou sak la pèrd in moun zot i èm.

 Bonpé domoun i aspèr bann bon zafèr pou lavnir, mé banna lé pa vréman sur ké tousa va arivé pou d’vré. Bann promès néna dan la Bib lé pa dutou parèy. Akoz ? Parské sé Jéova a li mèm la fé azot é li « pé pa ramas mantèr » (Tit 1:2). Rienk Jéova na lo pouvoir réaliz son bann promès é osi fé « tout sak i plé ali » (Psom 135:5, 6).

 Nou ankouraj azot profit lèspérans la Bib i done. Zot i pé gingn lasirans, ké lèspérans la lé vré kan zot i « étudi èk sèrié bann Zékritur » (Akt 17:11). Vien ésèy nout létud la Bib é komans lané 2023 avèk in bon mantalité !