La gèr Lukrèn avèk bann chanjman klima i fé ké i dévien plis difisil aoir kom k’i fo manjé partou dési la tèr. Sa i touch surtou bann péi an plin dévlopman ousa bonpé domoun i sobat pou aoir sak zot la bézoin pou manjé.

•   « I dévien difisil produir é aoir bann zafèr pou manjé akoz bann gèr, bann chanjman klima, bann pri lénèrji k’i ogmant » (António Guterres, sékrétèr jénéral L’ONU, 17 julié 2023).

•   « Bann èspésialis i anons ké kom la Rusi la kas son lakor pou èsport bann grin séréal, sa va défand ankor plis domoun dann monn antié aoir sak zot la bézoin pou manjé, é sa va fé mont ankor plis lo pri manjé dan bann péi ousa domoun i gingn pa in ta larjan, é surtou pou sak i abit dan lo Nor Lafrik é lo Moiyèn-Orian » (Atalayar.com, 23 julié 2023).

 Alon gard kosa la Bib i di su bann problèm manjé é sak va arivé dan lavnir.

•   Jézu lavé di sa : « Parské nasion va drès kont nasion é roiyom kont roiyom, é nora bann famine é bann tranbléman d’tèr dan in landroi apré lot » (Matié 24:7).

•   Lo liv la Révélasion, oubien Lapokalips, i koz dési kat moun dési bann choval é chakèn i roprézant in zafèr. Inn an parmi zot i roprézant la gèr. Sak i vien apré i roprézant la famine, par sa li anons in lépok ousa noré poin asé manjé é bann zafèr pou manjé sré ankor pli chèr. « Ma la vu in choval noir té i vien. Sak té dési lo choval lavé in balans dan la min. É ma la antand kom in voi […] ; li té i di, In lit bann grin lo blé pou lo pri in journé travay é troi lit bann grin lorj pou lo mèm pri » (Révélasion 6:5, 6, La Bible du Semeur).

 Bann profési la Bib k’i koz su bann problèm manjé, nou oi sa jordi, in lépok ké la Bib i apèl « bann dèrnié jour » (2 Timoté 3:1). Pou konèt plis dési « bann dèrnié jour » é lo bann kat moun k’i mont bann choval ké néna dann liv Révélasion, rogard la vidéo Le monn la chanjé depui 1914 é lir lartik « Les cavaliers de l’Apocalypse : qui sont-ils ? »

•   Dan la Bib néna bann konsèy vréman util, k’i pé èd anou niabou kont bann difikulté, par égzanp kan manjé lé tro chèr oubien kan na poin tro zafèr pou manjé. Dékouv détroi konsèy dan lartik « Comment vivre avec moins ».

•   La Bib i done osi lèspoir ké domin la vi sra pliméyèr. Li promèt in jour, « nora lo grin an kantité dési la tèr » é ké tout domoun nora zafèr an poundiak pou manjé. (Psom 72:16) Pou konèt plis su lèspoir la Bib i done pou lavnir é pou kèl rézon zot i pé kroi sak la Bib i di ladsi, lir lartik « Une espérance réelle pour des jours meilleurs ».