mustafahacalaki/DigitalVision Vectors via Getty Images
KONTINIÉ VÉYÉ !
Lintélijans artifisièl : sa in bénédiksion oubien in malédiksion ? Kosa la Bib i di ladsi ?
Na poin lontan, bann domoun la politik, la sians é la tèknoloji la koz dési lintélijans artifisièl. Zot i pans li pé èt util, mé an mèm tan, zot i rokoné ké domoun i pé ansèrv ali in mové fason.
« Lintélijans artifisièl sé inn an parmi bann gran linvansion, k’i pé rand la vi domoun pli méyèr . . . An mèm tan, li pé osi ménas nout sékurité, nout bann droi é nout libèrté d’viv trankil. Li pé osi fé ké domoun na pu konfians gouvèrnman. » —Kamala Harris, lo vis prézidan Zéta Zuni, 4 Mé 2023.
Doktèr Frederik Federspiel èk son group doktèr é lékspèr la santé la ékri : « Mèm si Lintélijans artifisièl i pé èt bien ansèrvi pou èd domoun malad, li pé anpèch anou èt bien é aoir in bon santé. » — 9 Mé 2023 dann magazine BMJ Global Health. a
« Lintélijans artifisièl i pé fane bann fo zinformasion. I tard pa, li va ménas nout travay. Néna mèm désèrtin ké la pèr la téknoloji, zot i di, li pé détrui domoun. » — The New York Times, 1é Mé 2023.
Lo tan va di anou koman domoun va utiliz lintélijans artifisièl, kisoi an bien ou an mal. Kosa la Bib i di ladsi ?
Akoz sak domoun i invant i fé pèr anou komsa
La Bib i di anou poukosa domoun i pé pa garanti, ké sak zot i invant, va sèrv sèlman pou fé lo bien.
1. Mèm si domoun néna bann bon lintansion, zot i pé pa konèt, si sak zot i fé nora in mové léfé su lé zot.
« Néna in chemin, domoun i pans sé lo bon, mé o final, li amèn juska la mor. » — Provèrb 14:12.
2. In moun i pé pa kontrol lo fason domoun va ansèrv sak li invanté, kisoi an bien ou an mal.
« I fodra mi lès tout [mon travay] pou lo moun ké va ranplas amoin. Kisa i koné si li sra saj oubien bèt ? Pourtan sé li va komand tout sak moin nora gingné su la tèr Bondié gras mon bann zéfor é mon gran sajès. » — Éklézias 2:18, 19.
Tousala i mont anou bien poukosa nou la bézoin Bondié i gid anou.
Kisa nou pé fé konfians
Nout Bondié i promèt anou ké, ni domoun, ni sak zot i invant, va détrui la tèr é tout sak lé dési.
« La tèr i rès pou toultan. » — Éklézias 1:4
« Sak i obéi Bondié nora la tèr pou zot, é zot va viv dési pou toultan. » — Psom 37:29
Gras la Bib, nout Bondié i di anou kosa i fo fé pou konèt in lavnir an pé é an sékurité. Pou aprand plus su sak la Bib i di, lir bann zartik « Existe-t-il un guide fiable ? » é « Une espérance réelle pour des jours meilleurs. »
a I sort dan lartik “Threats by Artificial Intelligence to Human Health and Human Existence,” ékri par Frederik Federspiel, Ruth Mitchell, Asha Asokan, Carlos Umana, é David McCoy.
Agard sa osi…
ESSENTIAL BIBLE TEACHINGS
Poukosa Bondieu la kréé la Tèr ?
Not tèr lé vréman in joli zafèr. Ant la Tèr é le solèy néna égzakteman la distans ki fo, li lé panché kom ki fo é li tourn otour solèy égzakteman la vitès ki fo. Poukosa Bondieu la mèt tout son keur pou fé la tèr ?
