KONTINIÉ VÉYÉ !
La Turki èk la Siri la gingn bann grav tranbléman d’tèr : Kosa la Bib i di ?
Lindi, lo 6 Févriyé 2023, la Turki èk la Siri la gingn bann grav tranbléman d’tèr.
« Lindi, dan la journé, in gro tranbléman d’tèr la tué plis 3 700 domoun dan in parti la Turki é dann nor ouès la Siri. Kom la fré i tap dur mèm, sa i rand pli grav ankor la situasion bann domoun lé blésé oubien sak na poin la kaz, é i frèn osi lo travay lé fé pou rod domoun lé ankor vivan » (Reuters, lo 6 Févriyé 2023).
Kan nou lir bann zinformasion komsa, nout kèr i singn. Kan nou rosan bann santiman komsa, alon rod Jéova, ali mèm « lo Bondié tout konsolasion » (2 Korintien 1:3). Li done la ‘konsolasion gras bann Zékritur, ké i done anou in lèspoir’ (Romin 15:4).
Dan la Bib, nou aprann :
Sak lavé di dann tan avan dési bann tranbléman d’tèr.
Ousa nou gingn trouv konsolasion é in lèspoir.
Koman Bondié va anlèv tout bann soufrans.
Pou konèt sak la Bib i di dési bann sujé la, lir bann zartik i vien apré :
a Jéova sé lo non Bondié (Psom 83:18).
Agard sa osi…
BANN ZANSÈGNMAN INPORTAN LA BIB
Èske sé Bondié lotèr, kan la natur i dégrèn tout ?
Deu moun ke la gingn le chok kan la natur la dégrèn tout i èsplik sak zot la aprann dan la Bib.
ESSENTIAL BIBLE TEACHINGS
Poukosa Bondieu i pèrmèt bann soufrans ?
Pou se késtion la, la Bib i donn anou bann répons ki fé anou du bien é ki rékonfort anou.
