Oui sa lé sur, parske sé Bondieu ki pe donn anou le méyeur lèd ki pe égzisté, sé li ki « ankouraj », ki « rékonfort » é ki « konsol » bann domoun le moral lé atèr (2 Korintien 7:6, Nouvelle Bible Segond, Segond 21, Traduction du monde nouveau).

•   la fors. Pou rékonfort aou é konsol aou, Bondieu i sar pa tir tout out bann problèm, mé li va donn aou la fors pou ou suport tousala. Kan ou va pri ali pou gingn la fors, li va égzos aou (Filipien 4:13). Ou pe èt sur de sa, li la anvi ékout aou. É justeman dan la Bib i di : « Jéova lé a koté sak néna le keur déchiré ; li sov sak lé abatu » (Psom 34:18). En vré, Bondieu lé kapab antann kan ou kri ali o sekour, é sa, mèm si ou trouv pa bann mo pou di sak ou néna su out keur (Romin 8:26, 27).

•   bann légzanp ki ankouraj. In moun ke la ékri la Bib la di èk Bondieu : « Dann mon maleur, kan moin lé o fon, mi kri aou. » Se moun ke le moral té atèr, li la gingn surmont son dépitasion. Li la rapèl ali ke Bondieu i ve pa ke bann domoun lé atèr si tèlman zot i san azot koupab. Sé sak li di apré dan son priyèr : « Si ou retien bann fot dann out tèt kisa va gingn tenir debout ? Mé aou, ou gingn pardoné, sé pousa, ou sra réspékté » (Psom 130:1, 3, 4, Parole de Vie).

•   in léspoir. Jordu Bondieu i kontant pa li rienk rékonfort anou, mé an plus ke sa li promèt anou ke li va anlèv tout kalité douleur ki fé fann le keur. Kan li va réaliz son promès, « nou souvien arpu bann zafèr la éspasé avan [in moral atèr èk la déprésion konpri dedan], é zot i vien arpu tourmant nout keur » (Izai 65:17).

 Inn ti remark : Mèm si zot lé sur ke Bondieu i èd azot vréman, bann Témoin Jéova i aksèp bann trètman médikal pou soign bann maladi kom la déprésion (Mark 2:17). Mé seulman zot i konsèy pa pèrsonn pran in trètman o lieu in not ; pou zot, chakèn i doi fé son choi dann domèn la.