La fèt Pak lé pa bazé su la Bib. Si zot i rod ransègnman pou konèt ousa li sort, zot va oir ke an vré li lé: in tradision bazé su bann sérémoni ke té i fé dann tan lontan pou gingn fé pti. Alon regard ansanm inn par inn detroi ti détay su Pak.

1.   Lièv èk lapin : Bann zanimo la i reprézant le kapasité fé in ta pti, se reprézantasion la « i sort dann bann sérémoni ke té i fé dann tan lontan dan bann fèt payin pou fèt le printan dann péi Leurop é dann Moyin Orian» (Encyclopædia Britannica).

2.   De zeuf : Dapré in liv, alé rod bann zeuf (ke lapin Pak la dépoz la soidizan) « lé pa rienk in distraksion pou marmay, mé sé le réstan in sérémoni ke lété fé pou gingn in ta pti» (Funk & Wagnalls Standard Dictionary of Folklore, Mythology and Legend). Dan désèrtin kultur, té i kroi ke zeuf Pak, bien dékoré, « té i aport, gras la maji, boneur, prospérité, santé èk protéksion» (Fêtes traditionnelles [angl.]).

3.   bann nouvo linj : «Té i port maleur é lété in mank réspé , dalé devan Eastre le déès le printan dann péi la scandinavi, si ou lavé poin in nouvo linj pou ador ali» (Le grand livre des superstitions [angl.]).

4.   Ladorasion kan soléy i lév : bann ladorasion la, lavé in lien ek bann vieu pratik ke bann moune ke té ador soléy té i fé avan «kan té ariv le jour dann printan ousa la nuit ek le jour néna mèm longèur [...]pou akeuy soley ek son joli pouvoir pou ardonn la vi tout kalité plant ek pié boi ki pouss su la tér» (Célébrations. Le grand livre des fêtes américaines [angl.]).

5.   Son non dann dot lang : kan i utiliz le non fét la an fransé , i lès lidé ke sé in vérsion krétien de la Pak que bann juif té fèt . Mé nou lir dann Le livre des superstitions. Mythes, croyances et légendes : « le sérémoni paskal i sort ek bann payin dann tan avan : Lé Eastre, lo déès le Printan é le Renésans la natur bann Saxon, ke la donn le mo Easter (Pak an anglé) a. » Détroi i di ke se non anglé i korèspon a Astarté, le déès la fértilité bann fénisienn, oubien Ishtar son légal pou bann babilonien.

 Le Guide américain des fêtes (angl.) i esplik bien ousa la Pak i sort: «Lé sur dan son bann premié débu, légliz la pran bann koutum paien é la donn sa in léplikasin krétien. »

 La Bib i mont ke pou ador Bondieu i fo pa suiv bann tradision oubien bann koutum ki plé pa li. (Mark 7:6-8). Nou lir dann 2 Korintien 6:17 : « Amay pu ou èk tousa, Jéhovahla di, é arèt touch le zafèr souyé. » Pak sé in fét payin : sak i ve fé plézir Bondieu i rejèt sa.