« Alon prèch lo gayar nouvèl ! »
Lasanblé réjional 2024 bann Témoin Jéova
Lantré lé gratuit • Na poin la kèt
Sak i fo pa raté
Vandrédi : Kèl prèv i amont anou, ké sak lé di dan bann zévanjil i rakont lo vré zistoir la vi Jézu ? É agard koman sa i pé èt util pou nou jordi.
Samdi : Èské Jézu lété vréman lo Mési ? Kèl profési la réalizé kan li lé né é kan li té marmay ?
Dimanch : Lo diskour « Poukosa nou la pa bézoin aoir “pèr bann mové nouvèl ?” » va amont anou poukosa domoun par milion i san azot an sékurité mèm si la situasion dan lo monn i dovien pli pir.
Fim
Lo gayar nouvèl dapré Jézu : Lépizod 1
Lo vré lumièr lo monn
Lo mirak la nésans Jézu lé lo promié gran lévènman an parmi sak la arivé dan tan ké Jézu lété marmay. Néna in roi té vé tué ali, é pou sov ali son bann paran la anmèn ali dan péi Léjip. In pé tan apré, li la lès baba bann gran lamontrèr son lépok. Rotrouv tout so bann zévènman é dot ankor, lo vandrédi èk lo samdi, kan zot va gard lo promié lépizod fim-la an dé parti.
Pou mèt dolo dan out bouch, rogard bann vidéo dési lasanblé réjional pou sèt ané
Kosa i èspas dan nout bann zasanblé ?
Agard kosa i èspas dan bann zasanblé bann Témoin Jéova chak lané.
Lasanblé réjional 2024 bann Témoin Jéova : « Alon prèch lo gayar nouvèl ! »
Agard kosa nou va aprann dan nout lasanblé.
Agard lo réklam lo fim : Lo gayar nouvèl dapré Jézu
Néna in bonpé i koné lo mirak la nésans Jézu. Mé avan é aprésa, néna dot gran zévènman la arivé. Kosa i lé so bann gran zévènman-la ?