Oui, nou lé krétien. Ala pou kèl rézon nou di sa :

•   Nou fé tout nout posib pou suiv kom k’i fo bann lamontraj Jézu Kris é pou imit sak li la fé (1 Pièr 2:21).

•   Nou lé vréman sur, ké nou pé èt sové rienk par lo moiyen Jézu, « parské na poin sou lo sièl okin not non ké la été doné an parmi bann domoun par k’i nou doi èt sové » (Akt 4:12).

•   Kan in moun i dovien in Témoin Jéova, i batiz ali o non Jézu (Matié 28:18, 19).

•   Nou pri o non Jézu (Jan 15:16).

•   Nou kroi ké Jézu néna lotorité su chak moun (1 Korintien 11:3).

 Parkont, nou rosanm pa ditou lé zot rolijion krétien kinport lo non zot néna. Par égzanp, ala détroi kroiyans bazé dési la Bib ké nou néna : Jézu lé lo Garson Bondié é li fé pa parti la trinité (Matié 16:16 ; Mark 12:29) ; lam lé pa in nafèr imortèl ; Bondié i tortur pa pèrsone dann in lanfèr dofé (Éklézias 9:5 ; Ézékièl 18:4) ; bann rèsponsab la rolijion i doi pa port in tit, k’i mèt azot odsi lé zot Témoin Jéova (Matié 23:8-10).