Bann Témoin Jéova i rod pou rann plu for zot fami é sak zot prochin osi. Nou réspèk Bondieu parske sé li le kréateur la fami (Jenèz 2:21-24 ; Éfézien 3:14, 15). Dan la Bib, Bondieu i ansègn bann prinsip ki èd bann koup partou su la tèr pou èt uni é ereu.

 Nou fé léfor suiv bann konsèy la Bib parske sa i èd anou pou ni bann méyeur mari, bann méyeur madam èk bann méyeur paran (Provèrb 31:10-31 ; Éfézien 5:22–6:4 ; 1 Timoté 5:8). Gras bann prinsip la Bib ke lé saj, mèm bann fami ki partaj pa le mèm relijion lé ereu (1 Pièr 3:1, 2). Agard sak detroi moun ke lé pa Témoin Jéova é ke zot konjoin la ni Témoin i di :

•   « Lé 6 premié zané nout ménaj té vréman désevan parske nou té arèt pa disputé. Kan Ivete la ni Témoin Jéova, èl la fémont plus la tandrès èk la pasians. Le bann chanjman kèl la fé sa la sov nout koup » (Clauir, Brézil).

•   « Kan mon mari, Chansa, la komans étudié la Bib èk bann Témoin Jéova, moin lété pa dakor parske moin té pans ke banna té i kas bann fami. Mé moin la rann amoin kont ke o final la Bib la èd nout koup » (Agness, Zanbi).

 Dan nout laktivité prédikasion, nou mont bann demoun ke si zot i mèt an pratik bann saj konsèy la Bib, zot i pe:

•   Bien choisir un conjoint

•   Survivre à la première année de mariage

•   Gérer les relations avec les beaux-parents

•   Gérer l’argent

•   Arrêter de se disputer

•   Apprendre à pardonner

•   Éduquer les enfants

 I fo avoué, i pe arivé ke chanj relijion i amèn detroi problèm. An 1998, in rapor ke le buro sondaj Sofres la fé la di ke 1 koup su 20 la rankont problèm kan na in anparmi le konjoin la ni Témoin Jéova.

 Jézu lavé di komsa ke sak noré suiv son bann zansègnman noré konèt défoi detroi problèm dan zot fami (Matieu 10:32-36). Desu bann kritik ke banna té fé su bann krétien, dann tan Lampir Romin, in spésialis listoir Will Durant la écri : « Banna té di ke le kristianism té détrui bann fami a. » Jordi i fé le mèm lakuzasion kont detroi bann Témoin. Èske nou doi di ke sé akoz le konjoin ke lé Témoin ke néna disput dan le koup ?

 Le gran tribunal Lerop pou bann droi d’lom la donn son lavi su lakuzasion ki di ke bann Témoin Jéova i détrui bann fami. Li di kom sa ke sé sak lé pa Témoin dann in fami ki koz souvan problèm parske li ve pa « aksèp é réspèk la libèrté lé zot de pratik zot relijion ». Li rajout : « Tout bann fami ousa i pratik pa le mèm relijion i viv le mèm zafèr ; é lé parèy pou bann Témoin b. » Mèm kan demoun i aksèp pa zot relijion, bann Témoin Jéova i fé zéfor pou aplik se conséy la Bib la : « Rann pa pèrsonn le mal pou le mal. [...] Si posib, tank zot i gingn, viv an pé èk tout bann zom » (Romin 12:17, 18).

 Bann Témoin i suiv le komannman la Bib de marié « rienk èk in disip le Sénieur », sétadir èk in moun ke na le mèm foi ke li (1 Korintien 7:39). Se komannman la lé bazé su la Bib, mé anplus ke sa li lé util osi. Par égzanp, le Journal of Marriage and Family dan son lartik de 2010 i di komsa ke « bann konjoin ke néna le mèm relijion, ke néna le mèm pratik èk le mèm kroyans c » souvan néna in méyeur lantant dan zot koup.

 Mé seulman, bann Témoin Jéova i ankouraj pa inn anparmi zot pou sépar ali èk son konjoin ke lé pa Témoin. La Bib i di : « Si in frèr néna in madam ke lé pa kroiyan mé ke lé dakor pou rès avèk li, ke li kit pa èl ; é si in madam néna in mari ke lé pa kroiyan mé ke lé dakor pou rès avèk èl, ke èl i kit pa son mari. » (1 Korintien 7:12, 13). Bann Témoin Jéova i suiv se linstruksion la.