Désèrtin ké té batizé Témoin Jéova i partisip pu la prédikasion é défoi i réuni pu zot èk lasanblé lokal. Èské zot lé rojèté ? Non. O kontrèr nou ésèy done azot in kou d’min é èd azot artrouv zot foi.

 É si in moun i fé in péché ? Lé pa oblijé li lé èskomunié. Astèr, si in Témoin néna labitud pa rèspèk bann loi moral la Bib é ké li ropanti pa li, li sra èskomunié. La Bib lé klèr la dési « fé sort lo moun mové an parmi zot » (1 Korintien 5:13).

 Kosa i èspas si in bonom lé èskomunié mé ké son madam é ké son zanfan i rès Témoin Jéova ? Lé vré sra pu parèy kan zot va pratik zot rolijion. Sèlman, lo lien èk la famiy é lo mariaj i kontinié. Zot i kontinié aoir in vi famiy normal, é zot i kontinié fé mont azot lamour.

 In moun ké lé èskomunié i pé vni nout bann rénion. Si li vé, li pé gingn lèd spirituèl èk bann zansien pou èd ali arni Témoin. In moun ké té èskomunié é k’i fé mont ké li vé vréman mèt an pratik bann prinsip la Bib é k’i arèt son bann mové pratik i pé arni Témoin Jéova.