Nout laktivité su tout la tèr lé posib gras bann zofrann ké lé fé par bann moun Témoin Jéova a. Dan nout bann landroi pou ladorasion néna bann boit pou zofrann, mé néna dot fason doné ké lé ékri dan lo paj Fé bann don. Lé posib choizi soutien laktivité su tout la tèr oubien soutien bann dépans lasanblé lokal ou sinon lé dé.

 I domand pa bann Témoin Jéova pèy la dim oubien done in parti ou in poursantaj zot salèr (2 Korintien 9:7). Dan nout bann rénion na poin la kèt é la pa bézoin péyé pou rantré. Lé parèy pou bann zansien zot i fé pa pèy bann batèm, bann zantèrman, bann mariaj é dot sèrvis la rolijion. Nou organiz pa bann vant gato, bann vant charité, bann kèrmès, bann fèt, bann tonbola ou dot zévènman komsala, é nou domand pa bann don pou gingn larjan. Bann zinformasion su sak i fé bann zofrann i rès sékré é lé pa di partou (Matié 6:2-4). La poin publisité su nout bann sit intèrnèt ou nout bann publikasion pou nou gingn larjan.

 In foi par moi, pandan nout rénion ousa toulmonn i pé vni, néna in rapor finansié dan bann zasanblé lokal. Bann dosié kontab chak lasanblé lé souvan kontrolé pou vérifié ké lo larjan lé utilizé kom k’i fo (2 Korintien 8:20, 21).

•   Bann boit zofrann : Lé posib fé bann zofrann an lèspès oubien an chèk dan bann boit zofrann ké néna dan bann Sal du Roiyom, dan bann Sal Lasanblé, ou sinon dot landroi ousa nou fé nout rénion.

•   Bann zofrann su nout sit intèrnèt : Dan in bonpé péi lé posib utiliz lo paj « Faire un don en faveur des Témoins de Jéhovah » pou fé in lofrann par kart krédi, kart débi, virman bankèr ou dot fason ankor. b Détroi Témoin la mèt an plas bann zofrann régulié gras bann métod la, komsa zot i mèt ‘inn ti kékchoz su koté’ tou lé moi (1 Korintien 16:2).

•   Bann zofrann prévu dépi avan : Pou désèrtin zofrann, i fo li lé prévu dépi avan oubien i fo in lavi juridik ou sinon lé dé. Si ou kalkul sa dépi avan ou pé gingn bann zavantaj fiskal dan out péi. Pou in bonpé domoun té in lavantaj pou zot konèt plis su bann zofrann fé dépi avan – sa i pé èt fé kan lo moun k’i done lé ankor vivan oubien kan li la fine mor. Si ou vé fé in lofrann èk in fason d’fé ké nou sa oir apré, nou invit aou kontak lo buro bann Témoin Jéova out péi, pou gingn plis zinformasion ladsi :

  •   kont bankèr

  •   kontra lasurans èk plan rotrèt

  •   bann bien imobilié

  •   bann zaksion é bann zobligasion

  •   bann tèstaman é bann fidéikomi

 Pou plis zinformasion su diféran fason fé in zofrann dan landroi ousa ou viv, alé su lo paj « Faire un don en faveur des Témoins de Jéhovah ».